വസായ്: ഹിന്ദുക്കള്‍ സംഘടിതരാകാത്തതാണ് രാജ്യം നേരിട്ട എല്ലാ കടന്നാക്രമണങ്ങള്‍ക്കും വിഭജനത്തിനും കാരണമെന്ന് കേന്ദ്രമന്ത്രി ശ്രീപദ് നായിക്. ബിജെപി കേരള സെല്ലിന്റെ നേതൃത്വത്തില്‍ സനാതന്‍ ധര്‍മ്മസഭ, വസായ് അയ്യപ്പക്ഷേത്രത്തില്‍ സംഘടിപ്പിച്ച വസായ് ഹിന്ദുമഹാസമ്മേളനത്തില്‍ മുഖ്യാതിഥിയായി പങ്കെടുത്ത് സംസാരിക്കുകയായിരുന്നു അദ്ദേഹം.
സ്വാമി ചിദാനന്ദപുരി, സ്വാമി കൃഷ്ണാനന്ദ സരസ്വതി, പരമേശ്വരന്‍ നമ്പൂതിരി, ബിജെപി നേതാക്കളായ കെ.രാമന്‍പിള്ള, സന്ദീപ് വാചസ്പതി, ഭാഗവത സപ്താഹ ആചാര്യന്‍ പള്ളിക്കല്‍ സുനില്‍, സ്വാമി വിശ്വേശാനന്ദ, സുരേഷ് ഭട്ടതിരി, സ്വാമി ബ്രഹ്മസ്വരൂപാനന്ദ, സ്വാമിനി ദേവി സംഗമേശാനന്ദ സരസ്വതി, കെ.എസ്. രാജന്‍, സോപാനസംഗീതജ്ഞന്‍ ഞരളത്ത് ഹരിഗോവിന്ദന്‍, സദാനന്ദ് ബെന്‍ മഹാരാജ്, ഡോ. ടിഎസ്. വിനീത ഭട്ട്, സാധു ആനന്ദവനം, നാരായണനന്ദഗിരി മഹാരാജ് തുടങ്ങിയവര്‍ സമ്മേളനത്തില്‍ പങ്കെടുത്തു. സനാതന ധര്‍മ്മ സംരക്ഷണവുമായി ബന്ധപ്പെട്ട് രാജ്യത്തിന്റെ വിവിധ ഭാഗങ്ങളില്‍ പ്രവര്‍ത്തിക്കുന്നവര്‍ക്ക് ധര്‍മ്മ രക്ഷാ പുരസ്‌കാരങ്ങള്‍ നല്കി. വസായ് സനാതന ധര്‍മ്മസഭ അധ്യക്ഷന്‍ കെ.ബി. ഉത്തംകുമാര്‍ നന്ദി പറഞ്ഞു.
പ്രതികരിക്കാൻ ഇവിടെ എഴുതുക: