എറണാകുളം: അയോധ്യയിലെ രാംലല്ല ക്ഷേത്രത്തില് പൂജിച്ച അക്ഷതം ഏറ്റുവാങ്ങി നടന് മോഹന്ലാല്. ആര്എസ്എസ് പ്രാന്ത പ്രചാരക് എസ്. സുദര്ശനന്റെ നേതൃത്വത്തിലുള്ള സംഘമാണ് അക്ഷതം നല്കിയത്. കലാ സാംസ്കാരിക രാഷ്ട്രീയ മേഖലകളിലെ നിരവധി പേര് ഇതിനോടകം അക്ഷതം ഏറ്റുവാങ്ങി.
നടന് അക്ഷതം കൈമാറിയപ്പോള് അഖില ഭാരതീയ സമ്പര്ക്ക ടോലി അംഗം എ ജയകുമാര്, ജഗ്ഗു സ്വാമിജി, കൊച്ചി മഹാനഗര് പ്രചാരക് ടി. സനോജ് എന്നിവരും കൂടെ ഉണ്ടായിരുന്നു. 22ന് അയോധ്യയില് നടക്കുന്ന പ്രാണപ്രതിഷ്ഠ ചടങ്ങില് അദേഹത്തെ നേരത്തെ ക്ഷണിച്ചിരുന്നു. ഉച്ചയ്ക്ക് 12:29:8 മുതല് 12:30:32 വരെയാണ് ചടങ്ങിന്റെ മുഹൂര്ത്തം. പ്രധാനമന്ത്രി നരേന്ദ്രമോദി ഉള്പ്പെടെയുള്ള 7000തില് അധികം വിശിഷ്ട വ്യക്തികളാണ് ചടങ്ങില് പങ്കെടുക്കുക.
