ന്യൂദല്‍ഹി: മാലിദ്വീപ് ഇന്ത്യയ്‌ക്കെതിരെ തിരിഞ്ഞതോടെ ബോളിവുഡ് ഒന്നടങ്കം മോദിയ്ക്കൊപ്പം. അനില്‍ കപൂര്‍, ടൈഗര്‍ ഷ്രോഫ്, സാറാ അലിഖാന്‍ എന്നിവരാണ് ഇപ്പോള്‍ പ്രതികരിച്ചിരിക്കുന്നത്.
നേരത്തെ സല്‍മാന്‍ ഖാന്‍, അമിതാഭ് ബച്ചന്‍, അക്ഷയ് കുമാര്‍, ശ്രദ്ധ കപൂര്‍, ജോണ്‍ എബ്രഹാം, ജാന്‍വി കപൂര്‍ എന്നിവരും ലക്ഷദ്വീപ് ടൂറിസം വളര്‍ത്താനുള്ള മോദിയുടെ അഭ്യര്‍ത്ഥനയെ പിന്തുണച്ചിരുന്നു. “മൈലുകളോളം നീണ്ടുകിടക്കുന്ന ലക്ഷദ്വീപിനെ അന്വേഷിക്കാന്‍ ഇനിയും വൈകാന്‍ പറ്റില്ലെന്നാണ് അനില്‍ കപൂര്‍ സമൂഹമാധ്യമത്തില്‍ കുറിച്ചത്.
ലക്ഷദ്വീപ് തന്റെ മനം കവര്‍ന്നുകഴിഞ്ഞെന്നാണ് ടൈഗര്‍ ഷ്രോഫ് കുറിച്ചത്. നമ്മുടെ രാജ്യത്തെ ദ്വീപുകളും വനങ്ങളും അന്വേഷിച്ച് സഞ്ചരിക്കാമെന്നാണ് സാറാ അലിഖാന്‍ കുറിച്ചത്. എന്തായാലും ബോളിവുഡില്‍ നിന്നും ഇത്രയും വ്യാപകമായ പിന്തുണ മോദിയ്‌ക്ക് ലഭിക്കുന്ന അവസരം കൂടിയായി മാലിദ്വീപ്-ലക്ഷദ്വീപ് വിഷയം.
പ്രതികരിക്കാൻ ഇവിടെ എഴുതുക: