കോഴിക്കോട്: സംഘടനയില് തര്ക്കങ്ങള് ഉണ്ടാക്കരുതെന്ന് സമസ്ത അധ്യക്ഷന് ജിഫ്രി മുത്തുക്കോയ തങ്ങള്.തര്ക്കം തുടങ്ങിയാല് അടിച്ചമര്ത്താന് പ്രയാസം ഉണ്ടാകും. വിദ്വേഷവും പരസ്പരമുള്ള പോരും ഒഴിവാക്കണം.പട്ടിക്കാട് ജാമിഅ നൂരിയ്യ സനദ് ദാന ചടങ്ങിലായിരുന്നു ജിഫ്രി തങ്ങള് ഇങ്ങനെ പറഞ്ഞത്.
പാണക്കാട് സാദിഖലി ശിഹാബ് തങ്ങളും കുഞ്ഞാലിക്കുട്ടിയും വേദിയില് ഇരിക്കവെയായിരുന്നു ജിഫ്രി മുത്തുക്കോയ തങ്ങളുടെ പ്രതികരണം.
വാര്ത്താ മാധ്യമങ്ങളിലും സമൂഹ മാധ്യമങ്ങളിലും പലരും തോന്നിയത് എഴുതുന്നുവെന്നും അദ്ദേഹം ആരോപിച്ചു .
സമസ്തയ്ക്ക് ആരോടും വെറുപ്പോ വിദ്വേഷമോ ഇല്ല.മഹത്തായ പ്രസ്ഥാനമാണ് സമസ്ത. അതിന് വിള്ളല് ഉണ്ടാക്കുന്ന പ്രവര്ത്തനം ആരും നടത്തരുത്. അധ്യക്ഷ സ്ഥാനത്ത് താന് പോരെങ്കില് മാറ്റി, പറ്റിയ ആളുകളെ നിയമിക്കണമെന്നും ജിഫ്രി മുത്തുക്കോയ തങ്ങള് പറഞ്ഞു. സംഘടന മഹത്തായി നിലനില്ക്കുക എന്നതാണ് പ്രധാന. ഈ സംഘടനയെ കണ്ണിലെ കൃഷ്ണമണി പോലെ സൂക്ഷിക്കണമെന്നും അദ്ദേഹം പറഞ്ഞു.
