കൊച്ചി: മലയാള സാഹിത്യത്തിലെ മുതിര്ന്ന സാഹിത്യകാരനായ എം.കെ. സാനുവിന്റെ പേരില് ഏര്പ്പെടുത്തിയിരിക്കുന്ന എം.കെ. സാനുമാസ്റ്റര് പുരസ്കാരം (25,000 രൂപ) എം.ടി. വാസുദേവന് നായര്ക്ക്. സാഹിത്യലോകത്തെ സമഗ്രസംഭാവനക്കാണ് പുരസ്കാരം. 13 ന് അമൃത ഇന്സ്റ്റിറ്റിയൂട്ട് ഓഫ് മെഡിക്കല് സയന്സില് നടക്കുന്ന ചടങ്ങില് പുരസ്കാരം സമ്മാനിക്കും.
നടന് മോഹന്ലാലിനെ കുറിച്ച് എം.കെ. സാനു രചിച്ച മോഹന്ലാല് അഭിനയകലയിലെ ഇതിഹാസം പുസ്തകപ്രകാശനവും നടക്കും. സംവിധായകന് സത്യന് അന്തിക്കാട് സംഗീതസംവിധായകന് എം. ജയചന്ദ്രന് നല്കി പ്രകാശനം നിര്വഹിക്കും. വാര്ത്താസമ്മേളനത്തില് എം.കെ. സാനു, പുരസ്കാരനിര്ണയ സമിതി കണ്വീനര് രഞ്ജിത്ത് എസ്. ഭദ്രന്, സദാശിവ കൃഷ്ണ, മീഡിയ കോഓര്ഡിനേറ്റര് ശശി കളരിയേല് എന്നിവര് പങ്കെടുത്തു.
