അയോധ്യ: ശ്രീരാമജന്മഭൂമിയുടെ കവാടത്തില്‍ പുതിയ വിഗ്രഹങ്ങള്‍ സ്ഥാപിച്ചു. ആന, സിംഹം, ഹനുമാന്‍, ഗരുഡന്‍ എന്നീ വിഗ്രഹങ്ങളാണ് സ്ഥാപിച്ചത്. രാജസ്ഥാനിലെ ഭരത്പൂര്‍ ജില്ലയിലെ ബന്‍സിപഹാര്‍പൂര്‍ ഗ്രാമത്തില്‍ നിന്നുള്ള ഇളം പിങ്ക് നിറത്തിലുള്ള മണല്‍ക്കല്ലിലാണ് ഈ വിഗ്രഹങ്ങള്‍ തയ്യാറാക്കിയിരിക്കുന്നത്.
അയോധ്യയില്‍ പുതുതായി നിര്‍മ്മിച്ച വിമാനത്താവളത്തെ അന്താരാഷ്‌ട്ര വിമാനത്താവളമായി കേന്ദ്രമന്ത്രിസഭാ യോഗം പ്രഖ്യാപിച്ചു. മഹര്‍ഷി വാല്മീകി അന്താരാഷ്‌ട്ര വിമാനത്താവളം, അയോധ്യധാം എന്ന പേരിനും പ്രധാനമന്ത്രി നരേന്ദ്ര മോദിയുടെ അധ്യക്ഷതയില്‍ ചേര്‍ന്ന കേന്ദ്രമന്ത്രിസഭ അംഗീകാരം നല്‍കി. മഹര്‍ഷി വാല്മീകി അന്താരാഷ്‌ട്ര എയര്‍പോര്‍ട്ട്, അയോധ്യാധാം’ എന്ന നാമകരണം വിമാനത്താവളത്തിന് സാംസ്‌കാരിക സ്പര്‍ശം നല്‍കുകയും രാമായണം രചിച്ച മഹര്‍ഷി വാല്മീകിക്ക് ശ്രദ്ധാഞ്ജലി അര്‍പ്പിക്കുകയും ചെയ്യുന്നതായി മന്ത്രിസഭാ യോഗം വിലയിരുത്തി.
പ്രതികരിക്കാൻ ഇവിടെ എഴുതുക: