പമ്പയിൽ കെഎസ്ആർടിസി ബസിന് തീ പിടിച്ചു; ഷോട്ട് സർക്യൂട്ടെന്ന് പ്രാഥമിക നിഗമനം, ആളപായമില്ല

പത്തനംതിട്ട: പമ്പയിൽ കെഎസ്ആർടിസി ബസിന് തീ പിടിച്ചു. അപകടത്തില്‍ ആളപായമില്ല. ബസ് സ്റ്റാര്‍ ഷോട്ട് സർക്യൂട്ട് എന്ന് കെഎസ്ആർടിസി അധികൃതർ അറിയിച്ചു. പമ്പ-നിലയ്‌ക്കൽ ചെയിൻ സർവീസിനായി എത്തിയ ബസിനാണ് തീപിടിച്ചത്.

ഇന്നു രാവിലെയാണ് സംഭവം. പാർക്കിങ് യാർഡിൽ നിന്നും സ്റ്റാർട്ടാക്കിയ ഉടൻ ബസിന് തീപിടിക്കുകയായിരുന്നു. യാത്രക്കാർ കയറുന്നതിനു മുമ്പായതിനാൽ ആളപായം ഉണ്ടായില്ല. ഉടൻ തന്നെ അഗ്നിരക്ഷാസേന സ്ഥലത്തെത്തി തീയണച്ചു. ഷോട്ട് സർക്യൂട്ട് ആകാം തീപിടിത്തത്തിന്റെ കാരണമെന്നാണ് പ്രാഥമിക നിഗമനം.

വിശദമായ പരിശോധനകൾ ആരംഭിച്ചതായി അധികൃതർ അറിയിച്ചു.