റോഡ് മുറിച്ചു കടക്കാൻ ശ്രമിച്ച യാത്രികനെ രക്ഷിക്കാൻ ഓട്ടോ വെട്ടിച്ചു; നിയന്ത്രണം വിട്ട വാഹനം മരത്തിലിടിച്ച് മൂന്ന് പേർക്ക് പരിക്ക്

ആലപ്പുഴ: റോഡ് മുറിച്ചു കടന്ന കാൽനടയാത്രികനെ രക്ഷിക്കാൻ ശ്രമിക്കവെ നിയന്ത്രണം തെറ്റിയ ഓട്ടോ മരത്തിൽ ഇടിച്ച് മൂന്ന് പേർക്ക് പരിക്ക്. എറണാകുളം സ്വദേശി മുഹമ്മദ് ജാഫർ, നജുമുദ്ധീൻ, ഓട്ടോ ഡ്രൈവർ തൃക്കുന്നിപ്പുഴ സ്വദേശി അഖിൽ എന്നിവർക്കാണ് പരിക്കേറ്റത്.

തൃക്കുന്നപ്പുഴ ജംഗ്ഷന് കിഴക്ക് കെടിഡിസി പാർലറിന് സമീപമായിരുന്നു അപകടം. പരിക്കേറ്റവരെ ആശുപത്രിയിൽ പ്രവേശിപ്പിച്ചിരിക്കുകയാണ്.