ആലപ്പുഴ : പുതുവത്സര ദിനത്തില് ഇരുട്ടിന്റെ മറവിലെത്തി പോലീസുകാര് വാഹനങ്ങള് നശിപ്പിച്ചതായി ആരോപണം. പുതുവത്സര ആഘോഷങ്ങളെല്ലാം കെട്ടടങ്ങിയ ശേഷം പോലീസ് വാഹനങ്ങള് നശിപ്പിച്ചതായാണ് ആരോപണം. എന്നാല് സംഭവവുമായി ബന്ധപ്പെട്ട് നൂറനാട് സ്വദേശികളാണ് പത്തോളം പേര്ക്കെതിരെ പോലീസ് കേസെടുത്തിട്ടുണ്ട്.
പുതുവത്സര ആഘോഷങ്ങള്ക്ക് ശേഷം ഇരുട്ടിന്റെ മറവില് വാഹനങ്ങള് പോലീസ് തള്ളിക്കൊണ്ടുപോയി നശിപ്പിച്ചെന്നാണ് ആരോപണം. സംഭവത്തില് നൂറനാട് സ്വദേശി സാലുവിനും പത്തോളം സുഹൃത്തുക്കള്ക്കുമെതിരെയാണ് വാഹനങ്ങള് നശിപ്പിച്ചതിനടക്കം കേസും എടുത്തിട്ടുണ്ട്.
പിന്നീടാണ് പോലീസ് വാഹനം ഉന്തിക്കൊണ്ടുപോകുന്നതിന്റെ സിസിടിവി ദൃശ്യങ്ങള് പുറത്ത് വന്നത്. മനുഷ്യാവകാശ കമ്മീഷനെ സമീപിക്കുമെന്ന് സാലു അറിയിച്ചു. എന്നാല് ഹാന്ഡില് ലോക്ക് ആയതിനാല് തള്ളിക്കൊണ്ടുപോയതാണെന്നാണ് പോലീസിന്റെ വിശദീകരണം.
