പത്തനംതിട്ട : ഓണ്‍ലൈന്‍ റമ്മി കളിയിലൂടെ ഉണ്ടായ നഷ്ടം നികത്താന്‍ കവര്‍ച്ച നടത്തിയ യുവാവ് അറസ്റ്റിലായി.കോട്ടയം പാലാ ഭരണങ്ങാനം സ്വദേശി അമല്‍ അഗസ്റ്റിനാണ് പത്തനംതിട്ടയില്‍ അറസ്റ്റിലായത്.
ഓണ്‍ലൈന്‍ റമ്മി കളിച്ച് അമലിന്റെ 3 ലക്ഷം രൂപയാണ് നഷ്ടമായത്. ഈ നഷ്ടം നികത്താന്‍ പത്തനംതിട്ട നെടിയകാല സ്വദേശിനി 80 വയസുകാരിയുടെ കഴുത്തില്‍ കത്തി വെച്ച് മാല പിടിച്ചു പറിക്കുകയായിരുന്നു. പത്തനംതിട്ട ഇലവുംതിട്ട പൊലീസാണ് സി സി ടി വി ഉള്‍പ്പെടെ പരിശോധിച്ച് പ്രതിയെ പിടികൂടിയത്.
ഡിസംബര്‍ 23 നാണ് ഇലവുംതിട്ടയില്‍ 80 കാരിയെ വഴിയില്‍ തടഞ്ഞു നിര്‍ത്തി കഴുത്തില്‍ കത്തിവെച്ച് മാല കവര്‍ന്നത്.കൈപ്പുഴയില്‍ വാടകയ്‌ക്ക് താമസിക്കുന്ന അമല്‍ തന്നെയാണ് പ്രതിയെന്ന് തിരിച്ചറിഞ്ഞത് ഒട്ടേറെ സി സി ടി വികള്‍ പരിശോധിച്ചാണ്്.
സ്ത്രീകള്‍ ഒറ്റയ്‌ക്ക് താമസിക്കുന്ന വീടുകളാണ് അമല്‍ ആദ്യം ലക്ഷ്യമിട്ടതെങ്കിലും അത് നടക്കാതെ വന്നപ്പോള്‍ മാല മോഷണം നടത്തുകയായിരുന്നു..
പ്രതികരിക്കാൻ ഇവിടെ എഴുതുക: