മലപ്പുറം : പൊന്നാനി പാലപ്പെട്ടിയില്‍ നവ വരനും വധുവും സഞ്ചരിച്ച കാര്‍ നിയന്ത്രണം വിട്ട് തലകീഴായി മറിഞ്ഞു. നവദമ്പതികളടക്കം അഞ്ചു പേര്‍ക്ക് പരുക്കേറ്റു.
ഗുരുവായൂരില്‍ നിന്ന് കല്യാണം കഴിഞ്ഞ് മടങ്ങവേയാണ് അപകടം. അപകട ദൃശ്യങ്ങള്‍ പുറത്തുവന്നു.
കണ്ണൂര്‍ സ്വദേശികളായ ശ്രാവണ്‍, ദേവപ്രിയ എന്നിവരാണ് പരിക്കേറ്റ നവദമ്പതികള്‍. വാഹനത്തിലുണ്ടായിരുന്ന ബന്ധുക്കളായ വത്സല, സവിത, വിഷ്ണു എന്നിവര്‍ക്കും പരിക്കേറ്റു.
കെഎസ്ആര്‍ടിസി ബസിനെ മറികടക്കവെ നിയന്ത്രണംവിട്ട കാര്‍ ഡിവൈഡറിലിടിച്ച് മറിയുകയായിരുന്നു. പരിക്കേറ്റവരെ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ആരുടെയും ആരോഗ്യനില ഗുരുതരമല്ല.
പ്രതികരിക്കാൻ ഇവിടെ എഴുതുക: