ഇന്നോവ കാർ ട്രെയിലർ ലോറിയിലേക്ക് ഇടിച്ചു കയറി; ഒരു മരണം; അഞ്ച് പേരുടെ നില ഗുരുതരം

തൃശൂർ: കുതിരാൻ പാലത്തിന് മുകളിൽ വച്ച് ഇന്നോവ കാർ ട്രെയിലർ ലോറിയിലിടിച്ച് അപകടം. സംഭവത്തിൽ ഒരാൾ മരിച്ചു. വാഹനത്തിലുണ്ടായിരുന്ന അഞ്ച് പേരുടെ നില ഗുരുതരമാണ്. ബെംഗളൂരുവിൽ നിന്നും കോട്ടയത്തേക്ക് പോകവെയാണ് അപകടം. കുടുംബം സഞ്ചരിച്ചിരുന്ന ഇന്നോവ കാർ ആണ് അപകടത്തിൽപ്പെട്ടതെന്നാണ് വിവരം.

അപകടത്തിൽ ഇന്നോവ പൂർണമായും തകർന്നു. നാട്ടുകാരും പൊലീസും ചേർന്ന് ഏറെ പാടുപെട്ടാണ് ട്രെയിലർ ലോറിയുടെ മുൻഭാഗത്ത് നിന്നും നിന്ന് ഇന്നോവയെ വലിച്ചെടുത്തത്. അപകടത്തിൽപ്പെട്ടവരുടെ വിവരങ്ങൾ പുറത്തുവന്നിട്ടില്ല.