മുംബയ് : വനിതാ ക്രിക്കറ്റില്‍ ഇന്ത്യയും ഓസ്ട്രേലിയയും തമ്മിലുളള രണ്ടാം ഏകദിനത്തില്‍ ഓസ്‌ട്രേലിയയ്‌ക്ക് മൂന്ന് റണ്‍സ് ജയം.ഇതോടെ മുന്ന് മത്സര പരമ്പരയില്‍ ഓസ്‌ട്രേലിയ 2-0ത്തിന് മുന്നിലെത്തി.
ഓപ്പണര്‍ ഫോബ് ലിച്ച്ഫീല്‍ഡിന്റെ 63 റണ്‍സിന്റെയും എല്ലിസ് പെറിയുടെ 50 റണ്‍സിന്റെയും പിന്‍ബലത്തില്‍ 8 വിക്കറ്റ് നഷ്ടത്തില്‍ 258 റണ്‍സ് നേടി. ഇന്ത്യക്ക് വേണ്ടി ദീപ്തി ശര്‍മ്മ അഞ്ച് വിക്കറ്റ് വീഴ്‌ത്തി.
മറുപടി ബാറ്റിംഗില്‍ ഇന്ത്യക്ക് 8 വിക്കറ്റ് നഷ്ടത്തില്‍ 255 റണ്‍സെടുക്കാനേ കഴിഞ്ഞുളളൂ. റിച്ച ഘോഷ് 96 റണ്‍സ് നേടി. റിച്ചയുടേതുള്‍പ്പെടെ മൂന്ന് വിക്കറ്റുകള്‍ അനബെല്‍ സതര്‍ലാന്‍ഡ് (3/47) വീഴ്‌ത്തി.
മൂന്നാം ഏകദിനം ജനുവരി 2ന് ഉച്ചയ്‌ക്ക് 1.30 ന് നടക്കും.
പ്രതികരിക്കാൻ ഇവിടെ എഴുതുക: