കാസര്‍കോട്: കാസര്‍കോട് ആസ്ഥാനമായുള്ള കേരള കേന്ദ്ര സര്‍വകലാശാലയില്‍ ബിരുദാനന്തര ബിരുദ പ്രോഗ്രാമുകളിലേക്ക് അപേക്ഷ ക്ഷണിച്ചു. 2024 ജനുവരി 24 വരെ അപേക്ഷിക്കാം.
26 പിജി പ്രോഗ്രാമുകളാണ് സര്‍വകലാശാലയിലുള്ളത്. ഇതില്‍ എല്‍എല്‍എം തിരുവല്ല കാമ്പസിലും മറ്റുള്ളവ കാസര്‍കോട് പെരിയ കാമ്പസിലുമാണ് നടക്കുന്നത്. നാക് റാങ്കിങ്ങില്‍ എ ഗ്രേഡ് നേടിയിട്ടുള്ള കേരള കേന്ദ്ര സര്‍വകലാശാല രാജ്യത്തെ മുന്‍ നിരയിലുള്ള ഉന്നത വിദ്യാഭ്യാസ സ്ഥാപനമാണ്.
പ്രോഗ്രാമുകളും സീറ്റുകളും
- എംഎ എക്കണോമിക്സ് (40)
- എംഎ. ഇംഗ്ലീഷ് ആന്‍ഡ് കംപാരറ്റീവ് ലിറ്ററേച്ചര്‍ (40)
- എംഎ ലിംഗ്വിസ്റ്റിക്സ് ആന്‍ഡ് ലാംഗ്വേജ് ടെക്നോളജി (40)
- എംഎ ഹിന്ദി ആന്‍ഡ് കംപാരറ്റീവ് ലിറ്ററേച്ചര്‍ (40)
- എംഎ ഇന്റര്‍നാഷണല്‍ റിലേഷന്‍സ് ആന്‍ഡ് പൊളിറ്റിക്കല്‍ സയന്‍സ് (40)
- എംഎ മലയാളം (40)
- എംഎ കന്നഡ (40)
- എംഎ പബ്ലിക് അഡ്മിനിസ്ട്രേഷന്‍ ആന്‍ഡ് പോളിസി സ്റ്റഡീസ് (40)
- എംഎസ്ഡബ്ല്യു (40)
- എംഎഡ് (40)
- എംഎസ്സി സുവോളജി (30)
- എംഎസ്സി ബയോകെമിസ്ട്രി (30)
- എംഎസ്സി കെമിസ്ട്രി (30)
- എംഎസ്സി കംപ്യൂട്ടര്‍ സയന്‍സ് (30)
- എംഎസ്സി എന്‍വിയോണ്‍മെന്റല്‍ സയന്‍സ് (30)
- എംഎസ്സി ജീനോമിക് സയന്‍സ് (30)
- എംഎസ്സി ജിയോളജി (30)
- എംഎസ്സി മാത്തമാറ്റിക്സ് (30)
- എംഎസ്സി ബോട്ടണി (30)
- എംഎസ്സി ഫിസിക്സ് (30)
- എംഎസ്സി യോഗ തെറാപ്പി (30)
- എല്‍എല്‍എം (40)
- മാസ്റ്റര്‍ ഓഫ് പബ്ലിക് ഹെല്‍ത്ത് (30)
- എംബിഎ-ജനറല്‍ മാനേജ്മെന്റ് (40)
- എംബിഎ-ടൂറിസം ആന്റ് ട്രാവല്‍ മാനേജ്മെന്റ് (40)
- എംകോം (40)
പ്രവേശനം സിയുഇടി വഴി
രാജ്യത്തെ വിവിധ സര്‍വകലാശാലകളിലേക്കും ഉന്നത വിദ്യാഭ്യാസ സ്ഥാപനങ്ങളിലേക്കും നാഷണല്‍ ടെസ്റ്റിങ് ഏജന്‍സി (എന്‍ടിഎ) നടത്തുന്ന പൊതുപ്രവേശന പരീക്ഷ (സിയുഇടി-പിജി) യിലൂടെയാണ് കേരള കേന്ദ്ര സര്‍വകലാശാലയില്‍ പ്രവേശനം നടത്തുന്നത്. pgcuet.samarth.ac.in വഴി ജനുവരി 24 ന് രാത്രി 11.50 വരെ അപേക്ഷിക്കാം.
യോഗ്യത ഉള്‍പ്പെടെയുള്ള വിവരങ്ങള്‍ അടങ്ങിയ ഇന്‍ഫര്‍മേഷന്‍ ബുള്ളറ്റിനും ഇവിടെ ലഭിക്കും. ജനുവരി 25 ന് രാത്രി 11.50 വരെയാണ് ഫീസ് അടക്കാനുള്ള സമയം. ജനുവരി 27 മുതല്‍ 29 വരെ അപേക്ഷയിലെ തെറ്റുകള്‍ തിരുത്താന്‍ അവസരമുണ്ടാകും.
പരീക്ഷാ കേന്ദ്രം സംബന്ധിച്ച അറിയിപ്പ് മാര്‍ച്ച് നാലിന് ലഭിക്കും. മാര്‍ച്ച് ഏഴ് മുതല്‍ അഡ്മിറ്റ് കാര്‍ഡ് ഡൗണ്‍ലോഡ് ചെയ്യാം. മാര്‍ച്ച് 11 മുതല്‍ 28 വരെയുള്ള തീയതികളിലാണ് പരീക്ഷ ഉണ്ടാവുക.
- എന്‍ടിഎ വെബ്സൈറ്റ്: www.nta.ac.in
- ഹെല്‍പ്പ് ഡസ്‌ക്: 01140759000.
- ഇ മെയില്‍: [email protected]
- സര്‍വകലാശാല വെബ്സൈറ്റ്: www.cukerala.ac.in
പ്രതികരിക്കാൻ ഇവിടെ എഴുതുക: