വാക്കുതർക്കം; മകൻ അച്ഛനെ ചുറ്റികയ്‌ക്ക് തലയ്‌ക്കടിച്ച് കൊലപ്പെടുത്തി

കൊല്ലം: മൂന്നാംകുറ്റിയിൽ പിതാവിനെ ചുറ്റികകൊണ്ട് തലയ്‌ക്കടിച്ച് കൊലപ്പെടുത്തിയ മകൻ അറസ്റ്റിൽ. മങ്ങാട് സ്വദേശി രവീന്ദ്രനാണ് കൊല്ലപ്പെട്ടത്. സംഭവവുമായി ബന്ധപ്പെട്ട് മകൻ അഖിലിനെയാണ് അറസ്റ്റ് ചെയ്തത്.

രവീന്ദ്രന്റെ ഉടമസ്ഥതയിലുള്ള ഫാൻസി കടയിൽ വച്ചാണ് സംഭവം. കടയിലെത്തിയ മകനുമായി വാക്കുതർക്കം ഉണ്ടായി. തുടർന്ന് അടിപിടിയിലേക്കും കൊലപാതകത്തിലേക്കും കലാശിക്കുകയായിരുന്നു. ചുറ്റിക കൊണ്ട് മകൻ പിതാവിന്റെ തലയ്‌ക്ക് അടിയ്‌ക്കുകയായിരുന്നു. തലയിൽ ആഴത്തിൽ മുറിവേറ്റ ഇയാൾ സംഭവസ്ഥലത്ത് വച്ച് തന്നെ മരിച്ചു.