തിരുവനന്തപുരം: പുതിയ മന്ത്രിമാരുടെ സത്യപ്രതിജ്ഞാ വേളയില് അടുത്തടുത്ത ഇരിപ്പിടങ്ങളില് ഇരുന്നെങ്കിലും മനസ് കൊണ്ട് ഏറെ അകലെയായിരുന്നു ഗവര്ണര് ആരിഫ് മൊഹമ്മദ് ഖാനും മുഖ്യമന്ത്രി പിണറായി വിജയനും. ഇരുവരും പരസ്പരം അഭിവാദ്യം ചെയ്യാന് പോലും തയാറായില്ല.
പരസ്പരം മുഖം കൊടുക്കാതിരിക്കാന് ഗവര്ണര് ആദ്യമേ ശ്രദ്ധിച്ചിരുന്നു. ഗവര്ണറുടെ ഉളളിലിരുപ്പ് മനസിലായ മുഖ്യമന്ത്രിയും സൗഹൃദഭാവം കാട്ടിയില്ല.
ഗണേഷും കടന്നപ്പളളിയും സത്യപ്രതിജ്ഞ ചെയ്തതിന് പിന്നാലെ മുഖ്യമന്ത്രി ഇരുവര്ക്കും ബൊക്കെ നല്കിയപ്പോഴും ഗവര്ണര് സമീപത്തുണ്ടായിരുന്നെങ്കിലും അദ്ദേഹം മുഖ്യമന്ത്രിയെ ഗൗനിച്ചതേ ഇല്ല. സത്യപ്രതിജ്ഞ ചടങ്ങ് കഴിഞ്ഞതിന് പിന്നാലെ ഗവര്ണര് വേദി വിട്ടു പോകുകയും ചെയ്തു.
പിന്നാലെ രാജഭവനില് ഒരുക്കിയിരുന്ന സ്തകാരത്തില് പങ്കെടുക്കാതെ മുഖ്യമന്ത്രിയും ബഹുഭൂരിപക്ഷം മന്ത്രിമാരും മടങ്ങി. ഗണേഷ് കുമാറും കടന്നപ്പളളി രാമചന്ദ്രനും എ കെ ശശീന്ദ്രനും സത്കാരത്തില് പങ്കെടുത്തു.
