കൊച്ചി : മഹാത്മാഗാന്ധി പ്രതിമയോട് അനാദരവ് കാട്ടിയ എസ്എഫ്‌ഐ വിദ്യാര്‍ത്ഥിയെ അസറ്റ് ചെയ്തു. ആലുവ എടത്തല ചൂണ്ടി ഭാരത് മാത് കോളേജ് വിദ്യാര്‍ത്ഥി അദീന്‍ നാസറെയാണ് പോലീസ് അറസ്റ്റ് ചെയ്തത്.
ചൂണ്ടി ഭാരത്മാതാ കോളജ് ഓഫ് ലീഗല്‍ സ്റ്റഡീസിലെ വിദ്യാര്‍ഥിയായ അദീന്‍, കോളജിലെ മഹാത്മാഗാന്ധിയുടെ പ്രതിമയുടെ മുഖത്ത് കൂളിങ് ഗ്ലാസ് വെച്ച് ചിത്രമെടുക്കുന്ന വീഡിയോ സമൂഹമാധ്യമങ്ങളില്‍ പ്രചരിച്ചിരുന്നു. ഇത് വിവാദമായതോടെ കെഎസ്‌യു നല്‍കിയ പരാതിയില്‍ പോലീസ് കേസെടുക്കുകയുമായിരുന്നു.
പോലീസ് ഇയാളെ അറസ്റ്റ് ചെയ്യുകയും സ്റ്റേഷന് ജാമ്യത്തില്‍ വിട്ടയയ്‌ക്കുകയുമായിരുന്നു. അബദ്ധം പറ്റിയതാണെന്നും എസ്എഫ്‌ഐ നേതാവ് അറിയിച്ചതായി പോലീസ് പറഞ്ഞു. അദീന്‍ സമൂഹ മാധ്യമങ്ങളിലൂടെയും സംഭവത്തില്‍ ക്ഷമ ചോദിച്ചിട്ടുണ്ട്. ഇയാളെ അറസ്റ്റ് ചെയ്ത ശേഷം പോലീസ് സ്റ്റേഷന് ജാമ്യത്തില്‍ വിട്ടയച്ചു. അതേസമയം സംഭവത്തില്‍ അദീന്‍ നാസറിനെ കോളേജ് അധികൃതര്‍ സസ്‌പെന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: