ശബരിമല: പമ്പയില്‍ നിന്ന് തങ്കയങ്കി അടങ്ങിയ പേടകം തലയിലേന്തി സന്നിധാനത്തേക്ക് എത്തിച്ചത് തിരുവാഭരണ വാഹകരായ ഏഴംഗ സംഘം. തിരുവാഭരണ വാഹക സംഘത്തിലെ വലിയ ഗുരുസ്വാമി കുളത്തിനാല്‍ ഗംഗാധരന്‍ പിള്ളയുടെ മകന്‍ ഉണ്ണികൃഷ്ണന്‍, തോട്ടത്തില്‍ പ്രതാപചന്ദ്രന്‍ നായര്‍, വെളിച്ചപ്പാട്ട് വിജയകുമാര്‍, പനച്ചിക്കല്‍ വിനീത്, തോട്ടത്തില്‍ പ്രവീണ്‍ കുമാര്‍, ദീപു നന്തിലപള്ളില്‍, ഗോപിനാഥക്കുറുപ്പ് എന്നിവരെയാണ് തിരുവിതാംകൂര്‍ ദേവസ്വം ബോര്‍ഡ് നിശ്ചയിച്ചത്.
മുന്‍ വര്‍ഷങ്ങളില്‍ അയ്യപ്പ സേവാസംഘത്തിന്റെ പ്രവര്‍ത്തകരാണ് തങ്കഅങ്കി പേടകം സന്നിധാനത്ത് എത്തിച്ചിരുന്നത്. സന്നിധാനത്ത് അന്നദാനം ഉള്‍പ്പടെയുള്ള പ്രവര്‍ത്തനങ്ങളില്‍ നിന്ന് ദേവസ്വം ബോര്‍ഡ് അയ്യപ്പസേവാ സംഘത്തിന് വിലക്കേര്‍പ്പെടുത്തിയിരുന്നു. ഇതേ തുടര്‍ന്നാണ് സംഘത്തിന്റെ പ്രവര്‍ത്തകരെ ഒഴിവാക്കി തിരുവാഭരണ വാഹകസംഘത്തിലെ ഏഴുപേരെ ചുമതലപ്പെടുത്തിയത്. പമ്പാ ഗണപതി കോവിലില്‍ നിന്ന് പ്രത്യേക പേടകത്തിലാക്കിയ തങ്കയങ്കി ശരണപാതയായ നീലിമല, ശരംകുത്തിവഴിയാണ് തങ്കഅങ്കി സന്നിധാനത്ത് എത്തിച്ചത്.
പ്രതികരിക്കാൻ ഇവിടെ എഴുതുക: