ഓടിക്കൊണ്ടിരുന്ന കാറിൽ നിന്നും പുക ഉയർന്നു; അഞ്ചംഗ സംഘം രക്ഷപ്പെട്ടത് തലനാരിഴയ്‌ക്ക്

കോഴിക്കോട്: ഓടിക്കൊണ്ടിരുന്ന കാറിന് തീപിടിച്ചു വൻ ദുരന്തം ഒഴിവായത് തലനാരിഴയ്‌ക്ക്. കോഴിക്കോട് സിഎച്ച് മേൽപ്പാലത്തിലാണ് സംഭവം. കാറിന് മുന്നിൽ നിന്നും പുക ഉയരുന്നത് കണ്ട് യാത്രക്കാർ പുറത്തേക്ക് ഇറങ്ങിയതിനാൽ വൻ ദുരന്തം ഒഴിവായി. ഒരു കുട്ടി ഉൾപ്പെടെ അഞ്ചോളം പേരായിരുന്നു കാറിൽ ഉണ്ടായിരുന്നത്.

കുറ്റിച്ചറി സ്വദേശികളാണ് കാർ യാത്രികർ. മാങ്കാവിൽ നിന്നും വീട്ടിലേക്ക് മടങ്ങവെയായിരുന്നു സംഭവം. തീപിടിത്തത്തിന്റെ കാരണം വ്യക്തമല്ല. അഗ്നിരക്ഷാ സേനയെത്തിയാണ് തീ നിയന്ത്രണ വിധേയമാക്കിയത്.