സന്നിധാനത്ത് ഇന്ന് മണ്ഡലപൂജ; ശബരിമലയിൽ വൻ ഭക്തജനത്തിരക്ക്

പത്തനംതിട്ട: ശബരിമലയിൽ ഇന്ന് മണ്ഡലപൂജ. രാവിലെ 10.30-നും 11.30-നും ഇടയിലാകും മണ്ഡലപൂജ നടക്കുന്നത്. മണ്ഡല പൂജ കഴിഞ്ഞതിന് ശേഷം താത്കാലികമായി നട അടയ്‌ക്കും. ഇതിന് ശേഷം ഡിസംബർ 30-ന് വൈകിട്ട് അഞ്ചിന് മകരവിളക്ക് മഹോത്സവത്തിന് വേണ്ടി നട തുറക്കും.

തങ്ക അങ്കി ഘോഷയാത്ര ഇന്നലെ രാത്രിയോടെ സന്നിധാനത്തെത്തിയത്. ശബരിമലയിൽ തീർത്ഥാടകരുടെ വൻ തിരക്കാണ് അനുഭവപ്പെടുന്നത്. പമ്പയിൽ ഉൾപ്പെടെ നിയന്ത്രണം ശക്തമാക്കിയിട്ടുണ്ട്. ഇന്നലെ 75,105 ഭക്തരാണ് പതിനെട്ടാംപടി ചവിട്ടിയത്.