ന്യൂദല്‍ഹി: പ്രധാനമന്ത്രിയുടെ വസതിയില്‍ ക്രിസ്തുമസ് വിരുന്നൊരുക്കുന്നു. ക്രിസ്തുമസ് ദിനമായ തിങ്കളാഴ്ച ഉച്ചയ്‌ക്ക് 12.30 നാണ് വിരുന്ന്.
മതമേലധ്യക്ഷരും ക്രൈസ്തവ സമുദായത്തിലെ പ്രമുഖരും പങ്കെടുക്കും.
പ്രധാനമന്ത്രിയുടെ ക്രിസ്തുമസ് സന്ദേശവുമായി ബിജെപി നേതാക്കളും പ്രവര്‍ത്തകരും ക്രൈസ്തവ ഭവന സന്ദര്‍ശനം ഈ മാസം 21ന് തുടങ്ങി. സ്‌നേഹയാത്രയെന്ന പേരില്‍ നടക്കുന്ന പരിപാടിയിലൂടെ ക്രൈസ്തവരുമായി കൂടുതല്‍ അടുക്കുകയാണ് ലക്ഷ്യം.
കൊച്ചിയില്‍ കര്‍ദ്ദിനാള്‍ ജോര്‍ജ്ജ് ആലഞ്ചേരിയെ കണ്ടാണ് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍ സ്‌നേഹയാത്രക്ക് തുടക്കമിട്ടത്. ഈ മാസം 31 വരെയാണ് ബിജെപിയുടെ സ്‌നേഹയാത്ര.
സ്‌നേഹയാത്രയില്‍ വീടുകളിലെത്തുമ്പോള്‍ കേന്ദ്ര സര്‍ക്കാരിന്റെ പദ്ധതികള്‍ വിശദീകരിക്കുന്നുണ്ട്.ക്രിസ്ത്യന്‍ ന്യൂനപക്ഷത്തിന്റെ ഉന്നമനത്തിനായി സ്വീകരിച്ച നടപടികളും അറിയിക്കുന്നുണ്ട്.
പ്രതികരിക്കാൻ ഇവിടെ എഴുതുക: