വനവാസി വിദ്യാർത്ഥിയെ മർദ്ദിച്ച കേസ്; പോലീസ് ഉദ്യോഗസ്ഥർക്കെതിരെ വകുപ്പ് തല അന്വേഷണം

കോഴിക്കോട്: ചാത്തമംഗലത്ത് വനവാസി വിദ്യാർത്ഥിയെ മർദ്ദിച്ച സംഭവത്തിൽ പോലീസിനെതിരെ വകുപ്പ് തല അന്വേഷണത്തിന് ഉത്തരവ്. കുന്നമംഗലം പോലീസ് സ്‌റ്റേഷനിലെ പോലീസുകാർക്കെതിരെയാണ് അന്വേഷണം. മെഡിക്കൽ കോളേജ് അസിസ്റ്റന്റ് കമ്മീഷണർക്കാണ് അന്വേഷണ ചുമതല.

ഈ കഴിഞ്ഞ 20-നാണ് കേസിന് ആസ്പദമായ സംഭവം. കക്കാടെപൊയിലിലെ വനവാസി കോളനിയിൽ താമസിക്കുന്ന വിദ്യാർത്ഥിക്കാണ് പോലീസ് മർദ്ദനമേറ്റത്. കുട്ടിയുടെ ചാത്തമംഗലത്തെ ബന്ധുവീട്ടിൽ വച്ചാണ് മർദ്ദനമേറ്റത്.