തിരുവനന്തപുരം: തിരുവനന്തപുരത്ത് ടിപ്പർ ലോറിയിടിച്ച് യുവാവിന് ദാരുണാന്ത്യം. വട്ടിയൂർകാവിന് സമീപം വയലിക്കടയിലാണ് അപകടം. ഇന്ന് രാവിലെയോടെയായിരുന്നു സംഭവം. റോഡിലൂടെ ടിപ്പർ പോകവെ ഒരാളെ ഇടിച്ചു തെറിപ്പിക്കുകയായിരുന്നുവെന്നാണ് വിവരം.
എന്നാൽ ഇയാൾ ടിപ്പർ ലോറിയ്‌ക്ക് മുന്നിലേക്ക് ചാടുകയായിരുന്നുവെന്നും ദൃക്‌സാക്ഷികൾ പറയുന്നു. മരിണപ്പെട്ട വ്യക്തിയെ ഇനിയും തിരിച്ചറിഞ്ഞിട്ടില്ല. സംഭവത്തിൽ പോലീസ് അന്വേഷണം ആരംഭിച്ചു. ടിപ്പറിന് മുന്നിലേക്ക് ചാടിയതാണോ എന്നതുൾപ്പെടെ അന്വേഷിച്ച് വരികയാണ്.
സംഭവത്തെക്കുറിച്ച് കൂടുതൽ വിവരങ്ങൾ ലഭ്യമായിട്ടില്ലെന്നും പോലീസ് അറിയിച്ചു. അതേസമയം ടിപ്പർ ലോറി പോലീസ് കസ്റ്റഡിയിലെടുത്തു.
പ്രതികരിക്കാൻ ഇവിടെ എഴുതുക: