കൊച്ചി: കാക്കനാട് ഡോർ ഫ്രെയിമുകളും ജനൽ ഗ്രില്ലുകളും മോഷ്ടിച്ച കേസിൽ പ്രതികൾ പിടിയിൽ. പറവൂർ സ്വദേശികളായ അമാൻ, മുഹമ്മദ് ബിലാൽ, ഫസറുദ്ദീൻ, തമിഴ്നാട് സ്വദേശി അനീഷ് എന്നിവരാണ് പിടിയിലായത്.
കാക്കനാടുള്ള ഫ്ളാറ്റിൽ കഴിഞ്ഞ ദിവസമാണ് സംഭവം. 8.26 ലക്ഷം രൂപ വിലമതിക്കുന്ന 90 ഡോർ ഫ്രെയിമുകളും 380 ഗ്രില്ലുകളുമാണ് പ്രതികൾ കവർന്നത്. സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് പ്രതികൾ പിടിയിലായത്.
