ഗാസ: വെടിനിര്ത്തലിന് വേണ്ടിയുള്ള അന്താരാഷ്ട്ര സമ്മര്ദങ്ങള് അവഗണിച്ച് ഗാസയില് ആക്രമണം നടത്തുന്നതിനിടെ വിശാലമായ ഹമാസ് തുരങ്കം കണ്ടെത്തിയതായി ഇസ്രായേല് സൈന്യം അറിയിച്ചു. ഹമാസിന്റെ ഇതുവരെയുള്ള ഏറ്റവും വലിയ തുരങ്കം ഈറസിലെ അതിര്ത്തി കടന്ന് കണ്ടെത്തിയതായി ഇസ്രായേല് സൈന്യം അറിയിച്ചു.
ചെറിയ വാഹനങ്ങള്ക്ക് ഉപയോഗിക്കാവുന്നത്ര വലിപ്പമുള്ളതായിരുന്നു തുരങ്കമെന്ന് വാര്ത്താ ഏജന്സിയായ എഎഫ്പി റിപ്പോര്ട്ട് ചെയ്തു. ദശലക്ഷക്കണക്കിന് ഡോളറാണ് തുരങ്കത്തിന് ചെലവായതെന്നും നിര്മ്മാണത്തിന് വര്ഷങ്ങളെടുത്തെന്നും ഇസ്രായേല് പറഞ്ഞു. അതില് റെയിലുകള്, വൈദ്യുതി, ഡ്രെയിനേജ്, ആശയവിനിമയ ശൃംഖല എന്നിവ ഉള്പ്പെടുന്നു.
EXPOSED: The biggest Hamas terrorist tunnel discovered.
This massive tunnel system branches out and spans well over four kilometers (2.5 miles). Its entrance is located only 400 meters (1,310 feet) from the Erez Crossing—used by Gazans on a daily basis to enter Israel for work… pic.twitter.com/RcjK5LbvGL
— Israel Defense Forces (@IDF) December 17, 2023
ഈ കൂറ്റന് തുരങ്ക സംവിധാനം നാലു കിലോമീറ്ററിലധികം (2.5 മൈല്) പരന്നുകിടക്കുന്നു. എറെസ് ക്രോസിംഗില് നിന്ന് 400 മീറ്റര് (1,310 അടി) മാത്രം അകലെയാണ് ഇതിന്റെ പ്രവേശന കവാടം സ്ഥിതിചെയ്യുന്നത് ഇസ്രായേലി ആശുപത്രികളിലെ ജോലിക്കും വൈദ്യചികിത്സയ്ക്കുമായി ഇസ്രായേലില് പ്രവേശിക്കുന്നതിന് ഗാസക്കാര് ദിവസേന ഉപയോഗിക്കുന്നു. ഹമാസ് നേതാവ് യഹ്യ സിന്വാറിന്റെ സഹോദരനും ഹമാസിന്റെ ഖാന് യൂനിസ് ബറ്റാലിയന് കമാന്ഡറുമായ മുഹമ്മദ് സിന്വാറിന്റെ നേതൃത്വത്തിലുള്ള പദ്ധതിയായിരുന്നു ഈ തുരങ്ക സംവിധാനമെന്നും ഇസ്രായേല് പറഞ്ഞു.
