പാലക്കാട്: കഞ്ചിക്കോട് നിന്നും മൂന്ന് വയസുകാരനെ തട്ടിക്കൊണ്ട് പോകാൻ ശ്രമിച്ച മദ്ധ്യവയസ്‌കൻ അറസ്റ്റിൽ. തമിഴ്‌നാട് സ്വദേശി സെന്തിൽ കുമാറാണ് അറസ്റ്റിലായത്. വീടിന്റെ മുറ്റത്ത് കളിച്ചുകൊണ്ടിരുന്ന കുട്ടിയെ തട്ടിക്കൊണ്ടുപോകാൻ ശ്രമിക്കുകയായിരുന്നു.
റെയിൽവേ സ്‌റ്റേഷൻ പരിസരത്ത് വച്ച് പ്രദേശവാസികളാണ് ഇയാളെ പിടികൂടി പോലീസിൽ ഏൽപ്പിച്ചത്. ഉത്തർപ്രദേശ് സ്വദേശികളുടെ മകനെയാണ് പ്രതി തട്ടിക്കൊണ്ടുപോകാൻ ശ്രമിച്ചത്. കഞ്ചിക്കോട്ട് നിന്ന് പ്രതി ഓട്ടോറിക്ഷയിൽ കയറിയാണ് റെയിൽവേ സ്‌റ്റേഷനിലെത്തിയത്.
സംശയം തോന്നിയ ഓട്ടോഡ്രൈവറാണ് പോലീസിൽ വിവരം അറിയിച്ചത്. റെയിൽവേ സ്റ്റേഷനിലെത്തി പോലീസ് പ്രതിയെ കസ്റ്റഡിയിലെടുത്തു. പിന്നാലെ നടത്തിയ ചോദ്യം ചെയ്യലിൽ തട്ടിക്കൊണ്ടുപോകൽ ശ്രമമായിരുന്നുവെന്ന് പ്രതി കുറ്റം സമ്മതിച്ചു.
പ്രതികരിക്കാൻ ഇവിടെ എഴുതുക: