വര്‍ക്കല: തൊണ്ണുറ്റിയൊന്നാമത് ശിവഗിരി തീര്‍ത്ഥാടനത്തോടനുബന്ധിച്ചുള്ള ആധ്യാത്മിക പ്രഭാഷണ പരമ്പരയ്ക്ക് നാളെ ശിവഗിരിയില്‍ തുടക്കമാകും. രാവിലെ 10 ന് നടക്കുന്ന സമ്മേളനം ശ്രീനാരായണ ധര്‍മ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ ഉദ്ഘാടനം ചെയ്യും. ജനറല്‍ സെക്രട്ടറി സ്വാമി ശുഭാംഗാനന്ദ അധ്യക്ഷത വഹിക്കും.
ഗുരുധര്‍മ്മപ്രചരണ സഭ സെക്രട്ടറി സ്വാമി അസംഗാനന്ദഗിരി സ്വാഗതം പറയും. വര്‍ക്കല എംഎല്‍എ അഡ്വ. ജോയി മുഖ്യ പ്രഭാഷണം നടത്തും. സ്വാമി ഋതംഭരാനന്ദ (സെക്രട്ടറി തീര്‍ത്ഥാടന കമ്മിറ്റി), സ്വാമി ശാരദാനന്ദ (ട്രഷറര്‍, ശ്രീനാരായണ ധര്‍മ്മസംഘം ട്രസ്റ്റ്), സ്വാമി വീരേശ്വരാനന്ദ എന്നിവര്‍ അനുഗ്രഹ പ്രഭാഷണം നടത്തും. അഡ്വ. പി.എം. മധു (രജിസ്ട്രാര്‍, ജിഡിപിഎസ്), അഡ്വ. സുബിത് (ജനറല്‍ കണ്‍വീനര്‍ യുവജനസഭ), ശ്രീജ ജി.ആര്‍. (ജനറല്‍ കണ്‍വീനര്‍ മാതൃസഭ) എന്നിവര്‍ ആശംസകള്‍ അര്‍പ്പിക്കും. സുരേഷ് ബാബു (ജിഡിപിഎസ് വര്‍ക്കല മണ്ഡലം പ്രസിഡന്റ്) നന്ദി പറയും.
തുടര്‍ന്ന് എല്ലാദിവസവും രാവിലെ ഗുരുധര്‍മ്മ പ്രബോധന പ്രഭാഷണങ്ങള്‍ നടക്കും. ജിഡിപിഎസ് ജില്ലാ കേന്ദ്രകമ്മിറ്റി നേതാക്കള്‍ വിവിധ സെഷനുകള്‍ക്ക് നേതൃത്വം നല്‍കുകയും പ്രഭാഷണങ്ങള്‍ നടത്തുകയും ചെയ്യും. നാളെ ‘സര്‍വമത സമ്മേളനം’ എന്ന വിഷയത്തില്‍ സ്വാമി ധര്‍മ്മചൈതന്യ പ്രഭാഷണം നടത്തും.
17ന് ‘ശ്രീനാരായണ സ്മൃതി’ എന്ന വിഷയത്തില്‍ സ്വാമി അസ്പര്‍ശാനന്ദ, 18ന് ‘ഗുരുസ്തവം’ എന്ന വിഷയത്തില്‍ സ്വാമി പ്രബോധതീര്‍ത്ഥ, 19ന് ‘ജീവകാരുണ്യപഞ്ചകം’ എന്ന വിഷയത്തില്‍ സ്വാമി സുരേശ്വരാനന്ദ, 20ന് ‘ശുദ്ധിപഞ്ചകം’ എന്ന വിഷയത്തില്‍ സ്വാമി വിശാലാനന്ദ, എന്നിവര്‍ പ്രഭാഷണങ്ങള്‍ നടത്തും.
20ന് രാവിലെ മുതല്‍ സംസ്ഥാന പാരമ്പര്യ നാട്ടുവൈദ്യ സംഗമം നടക്കും. സംഗമത്തില്‍ വിവിധ വിഷയങ്ങളിലായി നടക്കുന്ന സെമിനാറുകളില്‍ വിദഗ്ധര്‍ വിഷയാവതരണം നടത്തുമെന്ന് ഗുരുധര്‍മ്മ പ്രചരണ സഭ സെക്രട്ടറി സ്വാമി അസംഗാനന്ദഗിരി, സ്വാമി വീരേശ്വരാനന്ദ, രജിസ്ട്രാര്‍ മധു, പിആര്‍ഒ വി.കെ. ബിജു എന്നിവര്‍ അറിയിച്ചു.
പ്രതികരിക്കാൻ ഇവിടെ എഴുതുക: