കൊച്ചി: എളമക്കരയിൽ അമ്മയുടെ ആൺസുഹൃത്ത് കൊലപ്പെടുത്തിയ ഒന്നരമാസം പ്രായമായ കുഞ്ഞിന്റെ മൃതദേഹം ഏറ്റെടുക്കാൻ ആരും തയാറായില്ല. ഇതിന്റെ അടിസ്ഥാനത്തിൽ പോലീസും കൊച്ചി കോർപ്പറേഷനും ചേർന്ന് സംസ്‌കാര ചടങ്ങുകൾ നടത്താൻ തീരുമാനിച്ചു.
കുഞ്ഞിന്റെ മൃതദേഹം മോർച്ചറിയിലേക്ക് മാറ്റി പത്ത് ദിവസം എത്തിയിട്ടും മൃതദേഹം ആരും ഏറ്റെടുക്കാൻ തയാറായിട്ടില്ല. കുഞ്ഞിന്റെ അച്ഛനോ അമ്മയുടെ ബന്ധുക്കളോ മൃതദേഹം ഏറ്റുവാങ്ങാൻ തയാറായിട്ടില്ല. അധികൃതർ ഇവരെ ബന്ധപ്പെട്ടെങ്കിലും ആവശ്യം നിരസിക്കുകയായിരുന്നു.
ഇതോടെ പോലീസും കോർപ്പറേഷനും മൃതദേഹം ഏറ്റുവാങ്ങി സംസ്‌കരിക്കാൻ തീരുമാനിക്കുകയായിരുന്നു. സംസ്‌കാരം പച്ചാളം പൊതുശ്മശാനത്തിൽ നടത്തുമെന്നാണ് വിവരം.
പ്രതികരിക്കാൻ ഇവിടെ എഴുതുക: