കൊച്ചി: ശബരിമലയിലെ തിരക്കൊഴിവാക്കാൻ സ്പോട്ട് ബുക്കിംഗ് 5000 ആയി നിജപ്പെടുത്തണമെന്ന് ഹൈക്കോടതിയുടെ ഉത്തരവ്. നിലവിലെ സാഹചര്യം ഒഴിവാക്കേണ്ടതായിരുന്നു. ഭക്തര്ക്ക് സുഗമമായ ദര്ശന സൗകര്യമൊരുക്കണം. ക്യൂ കോംപ്ലക്സില് അധികം ആളുകളെ പ്രവേശിപ്പിക്കരുതെന്നും കോടതി നിർദേശിച്ചു.
കുട്ടികളും സ്ത്രീകളും ഉള്പ്പടെയുള്ളവരുടെ സുരക്ഷ പ്രധാനമാണ്. സന്നിധാനത്തെ ആള്ക്കൂട്ടം നിയന്ത്രിക്കണം. വരി നിൽക്കുന്നവർക്ക് കൃത്യമായ സൗകര്യം ഒരുക്കണമെന്നും നൂ റു പേർ നിൽക്കേണ്ടിടത്ത് ഇരുന്നു റു പേരെ നിർത്തരുതെന്നും ഹൈക്കോടതി നിർദേശിച്ചു. കെഎസ്ആർടിസി അധികം ബസുകള് നല്കണം. ബസുകളില് അധികം ആളുകളെ പ്രവേശിപ്പിക്കരുതെന്നും കോടതി നിർദേശിച്ചു.
സ്പോട്ട് ബുക്കിംഗില് പ്രതിദിനം റിവ്യൂ നടത്തണം. സംസ്ഥാന പോലീസ് മേധാവി നേരിട്ട് ഇക്കാര്യങ്ങൾ നിരീക്ഷിക്കണമെന്നും കോടതി പറഞ്ഞു. ശബരിമലയിൽ സ്പോട്ട് ബുക്കിംഗ് 5,000 ആക്കണം, കൂടുതൽ ബസുകൾ നൽകണമെന്നും ഹൈക്കോടതി അറിയിച്ചു.
