ഇടുക്കി: വണ്ടിപ്പെരിയാറില് സത്രത്തില് ആദിവാസി യുവാവിനെ കരടി ആക്രമിച്ചു. വനം വിഭവങ്ങള് ശേഖരിക്കാന് പോയ കൃഷ്ണന് കുട്ടിയാണ് ആക്രമണത്തിനിരയായത്.
പരിക്കേറ്റ കൃഷ്ണന് കുട്ടിയെ ഒപ്പമുണ്ടായിരുന്നവര് ആംബുലന്സില് പീരുമേട് താലൂക്ക് ആശുപത്രിയില് എത്തിച്ചു. പിന്നീട് തുടര്ന്ന് വിദഗ്ദ ചികിത്സക്കായി കോട്ടയം മെഡിക്കല് കോളേജിലേയ്ക്ക് മാറ്റി.
കൃഷ്ണന് കുട്ടിയുടെ കൈക്കും, കാലിനുമാണ് പരിക്കേറ്റത്. കഴിഞ്ഞ ദിവസം വയനാട്ടില് പശുവിന് പുല്ലറുക്കാന് പോയ യുവാവിനെ കടുവ കൊന്നിരുന്നു.
