കൊച്ചി: അയോധ്യയിലെ ശ്രീരാമജന്മഭൂമി ക്ഷേത്രത്തിന്റെ പ്രാണപ്രതിഷ്ഠയോടനുബന്ധിച്ച് കേരളത്തിലെ 50 ലക്ഷം ഹിന്ദു വീടുകളില് നല്കുന്ന അക്ഷത വിതരണത്തിന്റെ സംസ്ഥാനതല ഉദ്ഘാടനം ഇന്ന് എറണാകുളം പാവക്കുളം ശ്രീമഹാദേവ ക്ഷേത്രത്തില് നടക്കും. അയോധ്യയില് നിന്നു പൂജിച്ച് കൊണ്ടുവന്ന അക്ഷതവും ലഘുലേഖയുമാണ് വിതരണം ചെയ്യുന്നത്. രാവിലെ 11 ന് ആരംഭിക്കുന്ന ചടങ്ങില് റിട്ട. ജസ്റ്റിസ് കെ.എസ.് രാധാകൃഷ്ണന് അധ്യക്ഷനാകും.
സീമാ ജാഗരണ് മഞ്ച് അഖിലഭാരതീയ സംയോജകന് എ. ഗോപാലകൃഷ്ണന് മുഖ്യപ്രഭാഷണം നടത്തും. മാര്ഗദര്ശക മണ്ഡല്, കേരളം, സെക്രട്ടറി സ്വാമി സല്സ്വരൂപാനന്ദ, വിശ്വഹിന്ദു പരിഷത്ത് അഖിലേന്ത്യ ജോ. ജനറല് സെക്രട്ടറി സ്ഥാണുമാലയന്, ക്ഷേത്ര സംഘടനാ സെക്രട്ടറി കേശവ രാജു, വിശ്വഹിന്ദു പരിഷത്ത് സംസ്ഥാന ജനറല് സെക്രട്ടറി വി.ആര്. രാജശേഖരന്, കേരള സംയോജക് പ്രസാദ് ബാബു തുടങ്ങിയവര് പങ്കെടുക്കും.
എല്ലാ ജില്ലകളിലേക്കുമുള്ള അക്ഷത വിതരണമാണ് നടക്കുന്നത്. ജനുവരി 22 നാണ് അയോധ്യയിലെ രാമജന്മഭൂമി തീര്ഥ ക്ഷേത്രത്തില് പ്രാണപ്രതിഷ്ഠ നടക്കുന്നത്. ഇതിനു മുന്നോടിയായി ജനുവരി ഒന്നു മുതല് 15 വരെ ഭവന സമ്പര്ക്കവും നടത്തും.
