” ലൂയിസ് ഇലവൻ ” ജനുവരി ആദ്യം എറണാകുളത്ത് ചിത്രീകരണം ആരംഭിക്കും

ഇന്ദ്രൻസ്,ദേവൻ,ഗീത വിജയൻ,ശിവജി ഗുരുവായൂർ,നാരായണൻകുട്ടി,ഉണ്ണി എസ് നായർ,മഞ്ജു വിജീഷ് തുടങ്ങിയ പ്രമുഖ താരങ്ങൾക്കൊപ്പം പുതുമുഖങ്ങൾക്ക് ഏറേ പ്രാധാന്യം നല്കി കെ എസ് ഹരിഹരൻ സംവിധാനം ചെയ്യുന്ന ചിത്രമാണ് “ലൂയിസ് ഇലവൻ”.
ആധുനിക ദൃശ്യമാധ്യമങ്ങളിൽ നിറഞ്ഞു നിൽക്കുന്ന മത്സരത്തിലെ നന്മകളും തിന്മകളും വരച്ചു കാട്ടുന്ന ചിത്രമായിരിക്കും
” ലൂയിസ് ഇലവൻ”.
ദൈനംദിന ജീവിതത്തിലുണ്ടാകുന്ന ചില സംഘർഷങ്ങളും നഷ്ട്ടപെടലുകളും ചിത്രത്തിൽ അടയാളമാകുന്നുണ്ട്. യുവത്വതിന്റെ ചോരത്തിളപ്പിൽ നേരിന്റെ കാഴ്ചകൾ സമൂഹത്തിനു വെളിപ്പെടുത്തുന്ന യുവാവ് സ്വയം ബലിയാടകേണ്ടിവരുന്ന സാഹചര്യത്തിൽ അയാൾക്ക് ജീവിതം കൈവിട്ടു പോകുമെന്ന ബോധ്യത്തിലും സത്യത്തിന്റെ പാത കൈവിടുന്നില്ല. സസ്‌പെൻസും ത്രില്ലറും ഉൾപ്പെടുത്തി വേറിട്ടൊരു കാഴ്‌ച്ച ഒരുക്കുകയാണ് സംവിധായകൻ കെ എസ് ഹരിഹരൻ. നിർമാണം-രമേശ്‌ കോട്ടപ്പുറം, ഛായാഗ്രഹണം -ടി എസ് ബാബു,തിരക്കഥ സംഭാഷണം-രാജേഷ് കോട്ടപ്പടി,ഗാനരചന-കെ എസ് ഹരിഹരൻ,സംഗീതം-ഭവനേഷ്, ആലാപനം-ബേബി സാത്വിക.
ജനുവരി ആദ്യം എറണാകുളത്ത് ചിത്രീകരണം ആരംഭിക്കും.
പി ആർ ഒ-എ എസ് ദിനേശ്.