കൊച്ചി: ഭാരതീയ വിദ്യാഭവന്‍ സംഘടിപ്പിച്ച ഓള്‍ കേരള ഭവന്‍സ് മുന്‍ഷി അത്‌ലറ്റിക്‌സ് മീറ്റിന് കാക്കനാട് ഭവന്‍സ് ആദര്‍ശ വിദ്യാലയത്തില്‍ തുടക്കമായി. സ്‌കൂള്‍ അങ്കണത്തില്‍ നടന്ന ചടങ്ങില്‍ ഭിന്നശേഷി വിഭാഗം ഇന്ത്യന്‍ ക്രിക്കറ്റ് ടീം അംഗം അനീഷ് പി. രാജന്‍ മീറ്റ് ഉദ്ഘാടനം ചെയ്തു.
ഭാരതീയ വിദ്യാഭവന്‍ കൊച്ചി കേന്ദ്രം ഡയറക്ടര്‍ ഇ. രാമന്‍കുട്ടി അധ്യക്ഷനായി. ഭവന്‍സ് വിദ്യാമന്ദിര്‍ എരൂരിലെ കായിക പ്രതിഭ മാസ്റ്റര്‍ അര്‍ജുന്‍ വേണുഗോപാല്‍ ഡയറക്ടര്‍ ഇ. രാമന്‍കുട്ടിയില്‍ നിന്ന് ദീപശിഖ ഏറ്റുവാങ്ങി.
ഭാരതീയ വിദ്യാഭവന്‍ കൊച്ചി കേന്ദ്രയുടെ കീഴിലുള്ള വിവിധ സ്‌കൂളുകളിലെ കായിക പ്രതിഭകള്‍ ദീപശിഖ കൈമാറി. ഭവന്‍സ് ആദര്‍ശ വിദ്യാലയത്തിലെ കായിക പ്രതിഭ അഫ്രീന്‍ ഷക്കീല്‍ സത്യവാചകം ചൊല്ലിക്കൊടുത്തു. സംസ്ഥാനത്തെ വിവിധ സ്‌കൂളുകളിലെ പ്രിന്‍സിപ്പല്‍മാര്‍, വൈസ് പ്രിന്‍സിപ്പല്‍മാര്‍, ഭാരതീയ വിദ്യാഭവന്‍ കൊച്ചി കേന്ദ്രം പ്രോഗ്രാം ചീഫ് കോഓര്‍ഡിനേറ്റര്‍ മീന വിശ്വനാഥ്, റിസര്‍ച്ച് സെന്റര്‍ കോഓര്‍ഡിനേറ്റര്‍ ജയ ജേക്കബ്, അക്കാദമിക് കോഓര്‍ഡിനേറ്റര്‍ സുനിത എസ.്, വിദ്യാഭ്യാസ ഓഫീസര്‍മാരായ വിജയലക്ഷ്മി, സുകുമാരി മേനോന്‍, ഉഷ കെ, അസി. വൈസ് പ്രിന്‍സിപ്പല്‍, ജ്യോതിര്‍മയി പി, പിടിഎ പ്രസിഡന്റ് ഹരിറാം എന്‍. വി. എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: