അയ്യപ്പ ഭക്തർ സഞ്ചരിച്ച കെഎസ്ആർടിസി ബസുകൾ തമ്മിൽ കൂട്ടിയിടിച്ചു; നിരവധി പേർക്ക് പരിക്ക്

പത്തനംതിട്ട: നിലയ്‌ക്കലിൽ ശബരിമല തീർത്ഥാടകർ സഞ്ചരിച്ച കെഎസ്ആർടിസി ബസുകൾ തമ്മിൽ കൂട്ടിയിടിച്ച് അപകടം. സംഭവത്തിൽ മുപ്പതോളം പേർക്ക് പരിക്കേറ്റതായാണ് വിവരം. ഇന്ന് പുലർച്ചെ രണ്ട് മണിയോടെയായിരുന്നു അപകടം. ചാലക്കടയത്തിനും നിലയ്‌ക്കലിനും ഇടയിൽ വച്ചാണ് ഇരു വാഹനങ്ങളും തമ്മിൽ കൂട്ടിയിടിച്ചത്.

ആരുടെയും പരിക്ക് ഗുരുതരമല്ല എന്നാണ് ലഭ്യമാകുന്ന വിവരം. പരിക്കേറ്റവരിൽ ആറ് പേർ വിവിധ ആശുപത്രികളിലായി ചികിത്സയിലാണ്. നാല് പേർ കോട്ടയം മെഡിക്കൽ കോളേജിലും രണ്ട് പേർ പത്തനംതിട്ട ജനറൽ ആശുപത്രിയിലുമാണ് ചികിത്സയിലുള്ളത്.