ജോഹാനസ്ബര്‍ഗ്: ഭാരതത്തിനെതിരായ ടി 20, ഏകദിന, ടെസ്റ്റ് പരമ്പരകള്‍ക്കുള്ള ദക്ഷിണാഫ്രിക്കന്‍ ക്രിക്കറ്റ് ടീമിനെ പ്രഖ്യാപിച്ചു. ഇക്കഴിഞ്ഞ ഏകദിന ലോകകപ്പിലെ മോശം പ്രകടനത്തെ തുടര്‍ന്ന് ഏറെ വിമര്‍ശനം നേരിട്ട നായന്‍ ടെംബാ ബാവുമ ഇല്ലാതെയാണ് ടീമിനെ പ്രഖ്യാപിച്ചത്. ബാവുമയ്‌ക്കൊപ്പം പേസ് ബൗളര്‍ കാഗിസോ റബാദയും ടീമില്‍ ഇടംപിടിച്ചിട്ടില്ല. രണ്ടു പേര്‍ക്കും വിശ്രമം അനുവദിച്ചെ്ന്ന് ദക്ഷിണാഫ്രിക്കന്‍ ക്രിക്കറ്റ് അസോസിയേഷന്‍ അറിയിച്ചു.
ബാവുമയ്‌ക്ക് പകരം ഏകദിന ടീമിനെ ടി 20 നായകന്‍ കൂടിയായ ഏയ്ഡന്‍ മാര്‍ക്രം നയിക്കും. അതേസമയം ഭാരതത്തിനെതിരായ ടെസ്റ്റ് പരമ്പരയ്‌ക്കുള്ള ദക്ഷിണാഫ്രിക്കന്‍ ടീമിനെ ടെംബാ ബാവുമ നയിക്കും.
പരിക്കില്‍ നിന്ന് മുക്തരാകാത്ത ആന്റിച്ച് നോര്‍ക്യയും വെയ്ന്‍ പാര്‍ണലും ദക്ഷിണാഫ്രിക്കന്‍ ടീമിലില്ല. ഐപിഎല്ലില്‍ മുംബൈ ഇന്ത്യന്‍സിനായി കളിക്കുന്ന യുവതാരം ട്രൈസ്റ്റന്‍ സ്റ്റബ്‌സിനെ ഇതാദ്യമായി ടെസ്റ്റ് ടീമിലും ഉള്‍പ്പെടുത്തി. ഏകദിന, ടെസ്റ്റ് ടീമുകളിലേക്ക് വിക്കറ്റ് കീപ്പര്‍ കെയ്ല്‍ വെര്യായനെയെ തിരിച്ചുവിളിച്ചപ്പോള്‍ മിഹ്ലാലി പോങ്വാന, ഡേവിഡ് ബെഡിങ്ഹാം, നാന്ദ്രെ ബര്‍ഗര്‍ എന്നിവരാണ് ടീമിലെ പുതുമുഖങ്ങള്‍.
മൂന്നാം ടി20യില്‍ നിന്ന് ജെറാള്‍ഡ് കോറ്റ്‌സി, ലുങ്കി എങ്കിഡി, മാര്‍ക്കോ യാന്‍സന്‍ എന്നിവര്‍ക്ക് വിശ്രമം നല്‍കിയിട്ടുണ്ട്. ഡിസംബര്‍ 10 മുതല്‍ 14 വരെ ഡര്‍ബന്‍, പോര്‍ട്ട് എലിസബത്ത്, ജോഹാനസ്ബര്‍ഗ് എന്നിവിടങ്ങളില്‍ നടക്കുന്ന ട്വന്റി 20 പരമ്പരയോടെയാണ് ഇന്ത്യയുടെ ദക്ഷിണാഫ്രിക്കന്‍ പര്യടനം ആരംഭിക്കുന്നത്. 17 മുതല്‍ 21 വരെയാണ് ഏകദിന പരമ്പര. തുടര്‍ന്ന് 26-ാം തീയതി പ്രെട്ടോറിയയില്‍ ആദ്യ ടെസ്റ്റും ജനുവരി മൂന്നിന് കേപ് ടൗണില്‍ രണ്ടാം ടെസ്റ്റും നടക്കും.
ട്വന്റി 20 ടീം: എയ്ഡന്‍ മാര്‍ക്രം (ക്യാപ്റ്റന്‍), ഒട്ട്‌നിയല്‍ ബാര്‍ട്ട്മാന്‍, മാത്യു ബ്രീറ്റ്‌സ്‌കെ, നാന്‍ഡ്രെ ബര്‍ഗര്‍, ജെറാള്‍ഡ് കോട്ട്‌സി, ഡൊനോവന്‍ ഫെരേര, റീസ ഹെന്‍ഡ്രിക്‌സ്, മാര്‍ക്കോ യാന്‍സെന്‍, ഹെന്റിച്ച് ക്ലാസന്‍, കേശവ് മഹാരാജ്, ഡേവിഡ് മില്ലര്‍, ലുങ്കി എന്‍ഗിടി, ആന്‍ഡില്‍ പെഹ്ലുക്വായോ, തബ്രൈസ് ഷംസി, ട്രിസ്റ്റണ്‍ സ്റ്റബ്സ്, ലിസാഡ് വില്യംസ്.
ഏകദിന ടീം: എയ്ഡന്‍ മാര്‍ക്രം (ക്യാപ്റ്റന്‍), ഒട്ട്‌നിയല്‍ ബാര്‍ട്ട്മാന്‍, നാന്‍ഡ്രെ ബര്‍ഗര്‍, ടോണി ഡി സോര്‍സി, റീസ ഹെന്‍ഡ്രിക്‌സ്, ഹെന്റിച്ച് ക്ലാസന്‍, കേശവ് മഹാരാജ്, മിഹ്ലാലി എംപോങ്വാന, ഡേവിഡ് മില്ലര്‍, വിയാന്‍ മള്‍ഡര്‍, ആന്‍ഡില്‍ പെഹ്ലുക്വായോ, തബ്രൈസ് ഷംസി, റാസ്സി വാന്‍ഡെര്‍ ദസ്സന്‍, കൈല്‍ വെറെയ്ന, ലിസാഡ് വില്യംസ്.
ടെസ്റ്റ് ടിം: ടെംബ ബവൂമ (ക്യാപ്റ്റന്‍), ഡേവിഡ് ബെഡിങ്ഹാം, നാന്‍ഡ്രെ ബര്‍ഗര്‍, ജെറാള്‍ഡ് കോട്ട്‌സി, ടോണി ഡി സോര്‍സി, ഡീന്‍ എല്‍ഗര്‍, മാര്‍ക്കോ യാന്‍സെന്‍, കേശവ് മഹാരാജ്, എയ്ഡന്‍ മാര്‍ക്രം, വിയാന്‍ മള്‍ഡര്‍, ലുങ്കി എന്‍ഗിഡി, കീഗന്‍ പീറ്റേഴ്‌സണ്‍, കാഗിസോ റബാദ, ട്രിസ്റ്റണ്‍ സ്റ്റബ്സ്, കൈല്‍ വെറെയ്ന.
പ്രതികരിക്കാൻ ഇവിടെ എഴുതുക: