ഓടിക്കൊണ്ടിരിക്കെ മണ്ണുമാന്തിയന്ത്രത്തിന് തീപിടിച്ചു; ഡ്രൈവർ രക്ഷപ്പെട്ടത് തലനാരിഴയ്‌ക്ക്

പാലക്കാട്: ഓടിക്കൊണ്ടിരിക്കെ മണ്ണുമാന്തി യന്ത്രം അഗ്നിക്കിരയായി. പാലക്കാട് കുഴൽമന്ദം ദേശീയ പാതയിലാണ് സംഭവം. ഓടിക്കൊണ്ടിരിക്കെ മണ്ണുമാന്തി യന്ത്രത്തിന് തീ പടർന്ന് കത്തി നശിക്കുകയായിരുന്നു. വടക്കാഞ്ചേരി സ്വദേശി ജോർജിന്റെ വാഹനമാണ് കത്തിനശിച്ചത്.

പാലക്കാട് നിന്നും തൃശൂരിലേക്ക് വരുന്നതിനിടെയാണ് അപകടം നടന്നത്. യാത്രക്കിടെ തീപടരുന്നത് കണ്ട് ജോർജ് വാഹനത്തിൽ നിന്ന് ഇറങ്ങി ഓടി രക്ഷപ്പെട്ടു. അഗ്നിശമന സേന സംഭവസ്ഥലത്തെത്തിയാണ് തീയണച്ചത്. തീപിടിത്തത്തിന്റെ കാരണമെന്തെന്ന് വ്യക്തമല്ല.