തെന്നിന്ത്യന്‍ സൂപ്പര്‍ താരം നയന്‍താര തന്റെ മുപ്പത്തിയൊന്‍പതാം ജന്മദിനം ആഘോഷിച്ചത് ഇക്കഴിഞ്ഞ 18നായിരുന്നു. നയന്‍താരയുടെ പിറന്നാള്‍ ആഘോഷവും സോഷ്യല്‍ മീഡിയയില്‍ വൈറലായിരുന്നു. വിഗ്‌നേശിനും മക്കളായ ഉയിര്‍, ഉലക് എന്നിവര്‍ക്കുമൊപ്പമായിരുന്നു നയന്‍താര പിറന്നാള്‍ ആഘോഷിച്ചത്.
പിറന്നാള്‍ സമ്മാനമായി ഭര്‍ത്താവും സംവിധായകനുമായ വിഗ്‌നേഷ് ശിവന്‍ കോടികള്‍ വിലയുള്ള മെഴ്‌സിഡീസ് മെയ്ബ സമ്മാനിച്ചത്. മെയ്ബ ആണെന്നത് വെളിപ്പെടുത്തിയെങ്കിലും ഏത് മോഡലാണെന്നതില്‍ കൃത്യമായ സസ്‌പെന്‍സ് താരം ഒളിപ്പിച്ച് വെച്ചിരുന്നു. എന്നാല്‍, സമ്മാനം എത്തി ദിവസങ്ങള്‍ക്കുള്ളില്‍ തന്നെ ഈ വാഹനം ഏതാണെന്ന് കണ്ടെത്തിയിരിക്കുകയാണ് സോഷ്യല്‍ മീഡിയ.
വിഗ്‌നേശ് നല്‍കിയ സമ്മാനത്തിന് നന്ദി പറഞ്ഞുകൊണ്ട് നയന്‍താര തന്നെയാണ് ഇന്‍സ്റ്റഗ്രാമില്‍ ചിത്രങ്ങള്‍ പങ്കുവെച്ചത്.
മെഴ്‌സിഡീസിന്റെ അത്യാഡംബര മോഡലായ മെയ്ബയുടെ ലോഗോയുടെ ചിത്രവും കുറിപ്പുമാണ് നയന്‍താര ഇന്‍സ്റ്റഗ്രാമില്‍ പങ്കുവെച്ചിരിക്കുന്നത്. മെയ്ബയുടെ ഏത് മോഡലാണ് വിഗ്‌നേഷ് സമ്മാനിച്ചിരിക്കുന്നതെന്ന് വ്യക്തമല്ല. പുതിയ ‘അഴകിനെ’ വീട്ടിലേക്ക് സ്വാഗതം ചെയ്യുന്നു. ഏറെ മാധുര്യമുള്ള പിറന്നാള്‍ സമ്മാനം. പ്രിയതമന് നന്ദി എന്ന കുറിപ്പോടെയാണ് രണ്ട് ചിത്രങ്ങള്‍ നയന്‍താര ഇന്‍സ്റ്റഗ്രാമില്‍ പോസ്റ്റ് ചെയ്തിട്ടുള്ളത്..
https://www.instagram.com/reel/C0SIdKeyXHl/
സെലിബ്രിറ്റികളുടെ ഇഷ്ടവാഹനമായി മാറാന്‍ മെഴ്‌സിഡീസിന്റെ മെയ്ബ മോഡലുകള്‍ക്ക് സാധിച്ചിട്ടുണ്ട്. മലയാളി താരം ദുല്‍ഖര്‍ സല്‍മാന്‍, ബോളിവുഡ് താരങ്ങളായ രണ്‍വീര്‍ സിങ്ങ്, കൃതി സനോണ്‍, അര്‍ജുന്‍ കപൂര്‍, തപ്‌സി പന്നു, നീതു സിങ്ങ്, തെലുങ്ക് നടന്‍ രാം ചരണ്‍ തുടങ്ങിയ താരങ്ങളാണ് സെലിബ്രിറ്റി ജി.എല്‍.എസ് 600 ഉടമകള്‍. ഇവരുടെ പട്ടികയിലേക്കാണ് നയന്‍താരയും എത്തിയിരിക്കുന്നത്. 0009 എന്ന ഫാന്‍സി നമ്പറും താരം വാഹനത്തിന് സ്വന്തമാക്കിയിട്ടുണ്ട്.
ആഡംബര സെഡാന്‍ മോഡലാണ് മെയ്ബ എസ് 580 മോഡല്‍. മൂന്ന് മോഡലുകളാണ് മെഴ്‌സിഡീസ് ഇന്ത്യയില്‍ എത്തിച്ചിട്ടുള്ളത്. ഇന്ത്യയില്‍ തന്നെ അസംബിള്‍ ചെയ്യുന്ന എസ്580 സെഡാന്‍, വിദേശത്ത് നിര്‍മിച്ചെത്തുന്ന എസ് 680 സെഡാന്‍, ജി.എല്‍.എസ് 600 എസ്.യു.വിയുമാണ് ഈ മെയ്ബ മോഡലുകള്‍. 2.69 കോടി രൂപ മുതല്‍ 3.40 കോടി രൂപ വരെയാണ് മെയ്ബ മോഡലിന്റെ ഇന്ത്യയിലെ എക്‌സ്‌ഷോറൂം വില.
പ്രതികരിക്കാൻ ഇവിടെ എഴുതുക: