തിരക്കിലമര്‍ന്ന് സന്നിധാനം: ദര്‍ശനത്തിന് എത്തിയത് ഒരുലക്ഷത്തോളം തീര്‍ത്ഥാടകര്‍

ശബരിമല: ശബരിമല തീര്‍ത്ഥാടനം ആരംഭിച്ച് പതിനഞ്ചു ദിവസം പിന്നിടുമ്പോള്‍ അയ്യപ്പനെ കണ്ടു മടങ്ങിയത് 6,80,610 ഭക്തന്മാര്‍.

7,52, 629 പേരാണ് ഇന്നുവരെ വെര്‍ച്വല്‍ ക്യൂ ബുക്ക് ചെയ്തിട്ടുള്ളത്. ഈ വര്‍ഷത്തെ ഏറ്റവും വലിയ വെര്‍ച്വല്‍ ക്യൂബുക്കിങാണ് ഇന്നലെ ഉണ്ടായിരുന്നത്. ഓണ്‍ലൈനായി മാത്രം വിര്‍ച്വല്‍ ക്യു വഴി ബുക്ക് ചെയ്തത് 85,318 ഭക്തരാണ്. ഇത് കൂടാതെ 15,000ന് മുകളില്‍ തീര്‍ത്ഥാടകര്‍ സ്‌പോട്ട് ബുക്കിങിലൂടെയും സന്നിധാനത്ത് ദര്‍ശനം നടത്തി.

ഈ തീര്‍ത്ഥാടനം ആരംഭിച്ചശേഷമുള്ള ഏറ്റവും വലിയ തിരക്കാണ് സന്നിധാനത്ത് ഇന്നലെ
ഉണ്ടായത്. വലിയ നടപ്പന്തല്‍ നിറഞ്ഞ് തീര്‍ത്ഥാടക നിര ശരംകുത്തിയും പിന്നിട്ട് പോയി.
വരും ദിവസങ്ങളില്‍ ഭക്തരുടെ തിരക്ക് വര്‍ധിക്കുമെന്നാണ് കരുതുന്നത്. അവ മുന്നില്‍ കണ്ട് വേണ്ട സജീകരണങ്ങള്‍ ഭക്തര്‍ക്കായി പമ്പയിലും സന്നിധാനത്തും ഒരുക്കുന്നുണ്ട്.