തലസ്ഥാനത്ത് മൂന്ന് വിദ്യാര്‍ത്ഥികളെ കാണാതായി

തിരുവനന്തപുരം വട്ടപ്പാറയില്‍ മൂന്ന് വിദ്യാര്‍ത്ഥികളെ കാണാനില്ല

തിരുവനന്തപുരം: വട്ടപ്പാറയില്‍ വിദ്യാര്‍ത്ഥികളെ കാണാനില്ല. സിദ്ധാര്‍ത്ഥ് (13), ആദിത്യന്‍ (13), രഞ്ജിത്ത് എന്നിവരെയാണ് ഇന്നലെ വൈകിട്ടോടെ കാണാതായത്. സ്‌കൂളില്‍ പോയ വിദ്യാര്‍ത്ഥികള്‍ രാത്രി വൈകിയും തിരിച്ചെത്തിയില്ല. ഇതോടെ പോലീസില്‍ പരാതി നല്‍കി.

വട്ടപ്പാറ പോലീസ് ഇവര്‍ക്കായി തിരച്ചില്‍ തുടരുകയാണ്. വട്ടപ്പാറ എല്‍എംഎസ് സ്‌കൂള്‍ വിദ്യാര്‍ത്ഥികളാണ് മൂവരും. കുട്ടികള്‍ സ്‌കൂളില്‍ എത്തിയിരുന്നില്ലെന്ന് പോലീസ് അറിയിച്ചു. തലസ്ഥാനത്തെ മാളുകളിലെ സിസിടിവി പോലീസ് പരിശോധിച്ച് വരികയാണ്.

പോലീസ് അറിയിപ്പ്

ഫോട്ടോയില്‍ കാണുന്ന കുട്ടികളെ ഇന്ന് രാവിലെ മുതല്‍ കാണാനില്ല. എന്തെങ്കിലും വിവരം ലഭിക്കുന്നവര്‍ വട്ടപ്പാറ പോലീസ് സ്‌റ്റേഷനിലോ താഴെ പറയുന്ന ഫോണ്‍ നമ്പറുകളിലോ അറിയിക്കുക.
04722585055, 9497947123, 9497980137.