കൊല്ലം : ആറുവയസുകാരി അഭിഗേല് സാറയെ തട്ടിക്കൊണ്ടു പോയതിന് പിന്നിലെ മുഖ്യ ആസൂത്രക യുവതിയെന്ന് നിഗമനം. കുട്ടിയോട് സംസാരിച്ചതില് നിന്നാണ് ഇക്കാര്യം വ്യക്തമായതെന്ന് പൊലീസ് അറിയിച്ചു.
കഴിഞ്ഞ ദിവസം താമസിച്ചത് ഒരു വലിയ വീട്ടിലാണെന്ന് കുട്ടി പറഞ്ഞു. കഴിക്കാന് ഭക്ഷണം നല്കുകയും ലാപ്ടോപ്പില് കളിക്കാന് അനുവദിക്കുകയും ചെയ്തു.
വീട്ടില് മൂന്ന് പുരുഷന്മാരും ഒരു സ്ത്രീയുമാണുണ്ടായിരുന്നത്. ഈ സ്ത്രീയാണ് ആശ്രാമം മൈതാനത്ത് കുട്ടിയെ ഉപേക്ഷിച്ചത്. തട്ടിക്കൊണ്ടു പോകല് വാര്ത്ത മാധ്യമങ്ങളിലൂടെയും ഓണ്ലൈനിലൂടെയും പ്രചരിച്ചത് മൂലം കുട്ടിയെയും കൊണ്ടുളള യാത്ര അപകടകരമാണെന്ന് മനസിലാക്കിയാണ് ഉപേക്ഷിച്ചതെന്നാണ് നിഗമനം.
നീല കാറിലാണ് ആശ്രാമം മൈതാനത്ത് കൊണ്ടു വിട്ടതെന്ന് പറയണമെന്ന് സ്ത്രീ കുട്ടിയോട് പറഞ്ഞിരുന്നു.മൂന്ന് സ്ത്രീകളും ഒരു പുരുഷനുമാണ് സംഘത്തിലുളളതെന്ന് പറയണമെന്നും കുട്ടയെ ചട്ടം കെട്ടിയിരുന്നു. കുട്ടിയോട് കൂടുതല് കാര്യങ്ങള് ചോദിച്ചറിയണമെങ്കിലും ക്ഷീണിതയായതിനാല് നിലവില് ആശുപത്രിയിലേക്ക് മാറ്റിയതിനാല് കഴിയില്ല. അടുത്ത ദിവസം ഡിസ്ചാര്ജ് ചെയ്ത ശേഷം കൂടുതല് കാര്യങ്ങള് മനസിലാക്കി പ്രതികളിലേക്കെത്താമെന്നാണ് കരുതുന്നത്.
