കൊല്ലം: ഓയൂരില്‍ നിന്ന് ആറ് വയസുകാരി അബിഗേല്‍ സാറയെ തട്ടിക്കൊണ്ട് പോയവരെ കണ്ടെത്താന്‍ ഊര്‍ജിത ശ്രമം നടത്തുകയാണ് പൊലീസ്.തിരുവനന്തപുരം- കൊല്ലം അതിര്‍ത്തി മേഖല കേന്ദ്രീകരിച്ചാണ് അന്വേഷണം.
വര്‍ക്കലയ്‌ക്ക് സമീപം ഞെക്കാടുളള സ്ത്രീക്ക് തട്ടിക്കൊണ്ട് പോകലുമായി ബന്ധമുണ്ടെന്ന് കരുതിയിരുന്നെങ്കിലും അത് ശരിയല്ലെന്നാണ് പുറത്തു വരുന്ന വിവരം.തട്ടിക്കൊണ്ടുപോയെന്ന് സംശയിച്ച സ്ത്രീയുടെ ഫോട്ടോ കുട്ടിയെ ആശ്രാമം മൈതാനത്ത് ഉപേക്ഷിക്കാനായി കൊണ്ടു പോയ ഓട്ടോയിലെ ഡ്രൈവര്‍ തിരിച്ചറിഞ്ഞില്ലെന്നാണ് വിവരം.
ഞെക്കാട്ടെ യുവതിയുടെ വീട്ടില്‍ പൊലീസ് പരിശോധന നടത്തിയിരുന്നു. ഈ വീട്ടില്‍ താമസിക്കുന്ന യുവതിയെ കുറിച്ച് പൊലീസ് അന്വേഷിച്ചു. ചിട്ടിയുള്‍പ്പെടെ സാമ്പത്തിക ഇടപാടുകള്‍ നടത്തുന്നയാളാണെന്നാണ് കണ്ടെത്തല്‍. ഈ വീട്ടില്‍ കഴിഞ്ഞ നാല് ദിവസമായി ആളില്ലെന്ന് വീട്ടുടമ പറഞ്ഞു. യുവതിക്ക് ലോട്ടറി കച്ചവടവുമുണ്ടെന്ന് വീട്ടുടമ പറഞ്ഞു.
പ്രതികരിക്കാൻ ഇവിടെ എഴുതുക: