ഹൈദരാബാദ് : വയസ്സ് 50 ആയ രാഹുല്‍ ഗാന്ധി ഇനിയെങ്കിലും കല്യാണം കഴിക്കുന്നത് നല്ലതാണെന്ന് എഐഎംഐഎം നേതാവ് അസദുദ്ദീന്‍ ഒവൈസി. 50 വയസ്സായ ഒരാള്‍ ഒറ്റയ്‌ക്ക് കഴിയുന്നത് നല്ലതല്ല. കാരണം വീട്ടില്‍ ആരെങ്കിലും ഉണ്ടായിരുന്നാല്‍ രാഹുലിന്റെ സ്വഭാവം കുറെക്കൂടി നന്നാവുമെന്നും ഒവൈസി പരിഹസിച്ചു.
“ഒവൈസിയ്‌ക്ക് മോദിയുടെ കൂട്ടുകാരനാണെന്ന രാഹുല്‍ ഗാന്ധിയുടെ പ്രസ്താവനയാണ് ഒവൈസിയെ ചൊടിപ്പിച്ചത്. “രാഹുല്‍ ഗാന്ധിയ്‌ക്ക് രണ്ട് കാര്യങ്ങളോടാണ് പ്രണയം. അതില്‍ ഒന്ന് ഇറ്റലിയോടാണ്. അത് രാഹുലിന്റെ അമ്മയുടെ മാതൃരാജ്യമാണ്. രണ്ടാത്തെ പ്രണയം മോദിയോടാണ് കാരണം മോദിയാണ് രാഹുല്‍ ഗാന്ധിക്ക് അധികാരം നല്‍കുന്ന വ്യക്തി.”- ഒവൈസി പറഞ്ഞു.
“കോണ്‍ഗ്രസ് കോട്ടയായ അമേഠിയില്‍ രാഹുല്‍ എന്തേ പരാജയപ്പെട്ടൂ എന്നും ഒവൈസി ചോദിച്ചു. 2019ല്‍ സ്മൃതി ഇറാനിയോട് രാഹുല്‍ ഗാന്ധി തോറ്റതെന്തുകൊണ്ടാണ്. പിന്നീട് വയനാട്ടില്‍ മത്സരിച്ചാണ് ജയിച്ചത്”. -ഒവൈസി പറഞ്ഞു.
പ്രതികരിക്കാൻ ഇവിടെ എഴുതുക: