നന്മണ്ട: കേരളത്തില് കമ്മ്യൂണിസ്റ്റുകാരുടെ മുഖ്യമന്ത്രിയല്ല കൊള്ളക്കാരുടെ മുഖ്യമന്ത്രിയാണ് ഭരിക്കുന്നതെന്ന് ബിജെപി ദേശീയ ഉപാധ്യക്ഷന് എ പി അബ്ദുള്ളക്കുട്ടി പറഞ്ഞു. എന്ഡിഎ നന്മണ്ട, പാലത്ത് ബസാര് എന്നിവിടങ്ങളില് സംഘടിപ്പിച്ച ജനപഞ്ചായത്തില് സംസാരിക്കുകയായിരുന്നു അദ്ദേഹം.
വിലക്കയറ്റം കൊണ്ട് കഷ്ടപ്പെടുന്ന, പെന്ഷന് കിട്ടാതെ പട്ടിണി കിടക്കുന്ന ജനങ്ങള്ക്ക് മുമ്പില് കേരളീയവും ഉല്ലാസ യാത്രയും നടത്തി വീണയുടെ ബാപ്പ വീണ വായിക്കു
കയാണ്. ജിഹാദികളുടെ കയ്യടി കിട്ടാന് വേണ്ടിയാണ് കോണ്ഗ്രസും കമ്മ്യൂണിസ്റ്റും ഹമാസ് തീവ്രാദികളെ വെള്ള പൂശുന്നത്. അറബ്് ലീഗ് പോലും ഹമാസിനെതിരാണ്.
ശ്രീലങ്കയിലെ എല്ടിടി തീവ്രവാദികളെ ഉന്മൂലനം ചെയ്തതുപോലെ ലോകം ഗാസയിലെ ഹമാസിനെ ഭൂമിയില് നിന്ന് ഇല്ലാതാക്കും. അതാണ് ലോക രാഷ്ട്രീയത്തില് സംഭവിക്കാന് പോകുന്നതെന്ന് അദ്ദേഹം പറഞ്ഞു. ടി. ബാല സോമന്, ബബീഷ് ഉണ്ണികുളം എന്നിവര് പ്രസംഗിച്ചു
