ഇസ്ലാമബാദ് : ലോകകപ്പ് ക്രിക്കറ്റ് ഫൈനലില്‍ ഇന്ത്യ തോറ്റതില്‍ സന്തോഷമെന്ന് പാകിസ്ഥാന്‍ മുന്‍ ക്രിക്കറ്റ് താരം അബ്ദുള്‍ റസാഖ്. ഓസ്ട്രേലിയ ജയിച്ചത് ക്രിക്കറ്റിന്റെ വിജയമാണെന്നും അബ്ദുള്‍ റസാഖ് അവകാശപ്പെട്ടു.
നേരത്തെ ബോളിവുഡ് നടി ഐശ്വര്യ റായിയുമായി ബന്ധപ്പെട്ട് വിവാദ പരാമര്‍ശം നടത്തിയതിനെ തുടര്‍ന്ന് അബദുള്‍ റസാഖ് ക്ഷമാപണം നടത്തിയിരുന്നു.
പാകിസ്ഥാന്‍ ചാനലായ ജിയോ ന്യൂസിലെ ‘ഹസ്‌ന മന ഹേ’ എന്ന പരിപാടിയില്‍ സംസാരിക്കവെയാണ് ഇന്ത്യ തോറ്റതില്‍ മുന്‍ താരം സന്തോഷം പ്രകടിപ്പിച്ചത്. ‘സത്യത്തില്‍ ക്രിക്കറ്റ് ജയിച്ചു, ഇന്ത്യ തോറ്റു! ഇന്ത്യയിലെ സാഹചര്യങ്ങള്‍ തങ്ങള്‍ക്ക് അനുകൂലമായി മാറ്റുകയായിരുന്നു അവര്‍. ഐസിസി ഫൈനലില്‍ ഇത്തരമൊരു പിച്ച് മുമ്പ് കണ്ടിട്ടില്ല. ഇന്ത്യ ജയിച്ചിരുന്നെങ്കില്‍ ക്രിക്കറ്റ് അവരുടെ പക്ഷത്ത് പോകുമായിരുന്നുവെന്നും അബ്ദുള്‍ റസാഖ് പറഞ്ഞു.
പ്രതികരിക്കാൻ ഇവിടെ എഴുതുക: