തിരുവനന്തപുരം: സംസ്ഥാനത്ത് മഴ ശക്തമാകുന്നു. അതിതീവ്ര മഴക്ക് സാധ്യത കണക്കിലെടുത്ത് പത്തനംതിട്ടയില് ചുവപ്പ് ജാഗ്രത പ്രഖ്യാപിച്ചു. പത്തനംതിട്ട കുന്നംതാനത്ത് മൂന്ന് മണിക്കൂറിനിടെ 117.4 മി.മീ മഴയാണ് പെയ്തത്.
തിരുവല്ല-കുമ്പഴ റോഡില് വെളളക്കെട്ട്. ചെന്നീര്ക്കര പഞ്ചായത്ത് ആറാം വാര്ഡില് പനയ്ക്കല് ഭാഗത്ത് ഉരുള് പൊട്ടലുണ്ടായി. കൃഷി നാശവും സംഭവിച്ചു.
തിരുവനന്തപുരത്തും മഴ ശക്തമായി. ജില്ലയില് ജില്ലാ കളക്ടര് ഓറഞ്ച് ജാഗ്രത പ്രഖ്യാപിച്ചു. പൊന്മുടി ഇക്കോ ടൂറിസം കേന്ദ്രം അടച്ചു. ജില്ലയില് ഖനന പ്രവര്ത്തനങ്ങള്ക്കും കടലോര-കായലോര-മലയോര യാത്രകള്ക്കും നിരോധനമേര്പ്പെടുത്തിയിട്ടുണ്ട്.
ഇടുക്കിയിലും ഓറഞ്ച് ജാഗ്രതയാണ്.
