കൊച്ചി: കൊച്ചി രാജ്യാന്തര വിമാനത്താവളത്തിലൂടെ മൂന്ന് കിലോയിലധികം സ്വർണം കടത്താൻ ശ്രമിച്ച യുവാവ് അറസ്റ്റിൽ. കോഴിക്കോട് സ്വദേശി അബ്ദുൽ ഹമീദാണ് പിടിയിലായത്. മസ്‌കത്തിൽ നിന്നും കൊച്ചിയിലെത്തിയപ്പോഴായിരുന്നു അറസ്റ്റിലായത്. കൊച്ചി രാജ്യാന്തര വിമാനത്താവളത്തിലെ പരിശോധനയിലാണ് പ്രതി കുടുങ്ങിയത്.
ലഗേജ് ഒന്നും തന്നെയില്ലാതെയാണ് പ്രതി വിദേശത്ത് നിന്നും എത്തിയത്. പിന്നാലെ ഗ്രീൻ ചാനലിലൂടെ പുറത്തേക്ക് ഇറങ്ങാൻ ശ്രമിച്ചു. അസാധാരണ തിടുക്കം കസ്റ്റംസ് ഉദ്യോഗസ്ഥരിൽ സംശയം ഉണ്ടാക്കി. പിന്നാലെ ഇയാളെ ദേഹ പരിശോധനയ്‌ക്ക് വിധേയനാക്കുകയായിരുന്നു.
ധരിച്ചിരുന്ന പാന്റ്‌സിലും ടീഷർട്ടിലും അടിവസ്ത്രത്തിലും ഒളിപ്പിച്ചാണ് സ്വർണം കടത്താൻ ശ്രമിച്ചത്. പരിശോധനയിൽ മൂന്ന് കിലോയിൽ അധികം സ്വർണം കണ്ടെത്തി.
പ്രതികരിക്കാൻ ഇവിടെ എഴുതുക: