കോഴിക്കോട്: മുക്കത്തും പരിസര പ്രദേശങ്ങളിലുമുള്ള വീടുകളിൽ വ്യാപകമായി മോഷണം തുടർക്കഥയാകുന്നു. ശനിയാഴ്ച പുലർച്ചെയോടെയാണ് നിരവധി വീടുകളിൽ മോഷണം നടന്നത്. സംഭവത്തിൽ സിസിടിവി ദൃശ്യങ്ങൾ കേന്ദ്രീകരിച്ച് അന്വേഷണം ആരംഭിച്ചു.
മുക്കം നഗരസഭയിലെ തറോൽ, തെച്ചിയാട്ടിൽ എന്നീ പ്രദേശങ്ങളിലാണ് വ്യാപകമായി മോഷണം നടന്നത്. മോഷ്ടാക്കളുടെ ദൃശ്യം സമീപ വീടുകളിലെ സിസിടിവി ക്യാമറകളിൽ പതിഞ്ഞിട്ടുണ്ട്. ഇരുമ്പിടക്കണ്ടി റസാഖിന്റെ വീട്ടിൽ നിന്നും സ്ത്രീയുടെ മാല പൊട്ടിച്ച് കള്ളൻ ഓടിരക്ഷപ്പെട്ടു. പല വീടുകളിൽ നിന്നും ഇലക്ട്രിക് ഉപകരണങ്ങൾ, മൊബൈൽ ഫോൺ മുതലായവ മോഷണം പോയതായും പ്രദേശവാസികൾ പറയുന്നു.
പ്രതികരിക്കാൻ ഇവിടെ എഴുതുക: