നെടുമങ്ങാട്: മദ്രസ നടത്തി കൊച്ചുകുട്ടികളെ പ്രകൃതിവിരുദ്ധ പീഡനത്തിനിരയാക്കിയ ഉത്തര്‍പ്രദേശ് സ്വദേശിയുള്‍പ്പെടെ മൂന്ന് ഉസ്താദുമാര്‍ അറസ്റ്റില്‍. കൊല്ലം കുളത്തൂപ്പുഴ ഓന്തുപച്ച സ്വദേശി മാങ്കാട് കടക്കല്‍ കാഞ്ഞിരത്തുമൂട്ടില്‍ ബിസ്മി ഭവനില്‍ താമസം ആര്‍. സിദ്ധിഖ് (24), തൊളിക്കോട് പുളിമൂട് സബീന മന്‍സിലില്‍ എസ്. മുഹമ്മദ് ഷമീര്‍ (28), ഉത്തര്‍പ്രദേശ് ഖെരി ഗണേഷ്പൂര്‍ ഹൈരി സ്വദേശി എം. മുഹമ്മദ് റസാമുള്‍ഹക്ക് (30) എന്നിവരെയാണ് നെടുമങ്ങാട് പോലീസ് അറസ്റ്റ് ചെയ്തത്.
കഴിഞ്ഞ ഒരുവര്‍ഷമായി പ്രതികള്‍ നെടുമങ്ങാട് പ്രദേശത്ത് മദ്രസ നടത്തിവരുകയായിരുന്നു. കൊച്ചുകുട്ടികളെ പ്രകൃതിവിരുദ്ധ പീഡനം നടത്തുന്നതായി സിഡബ്ലുസിക്ക് കിട്ടിയ രഹസ്യ വിവരത്തെ തുടര്‍ന്ന് കാട്ടാക്കട ഡിവൈഎസ്പി എന്‍. ഷിബുവിന്റെ നേതൃത്തില്‍ എസ്എച്ച്ഒ ഒ.എ. സുനില്‍, എസ്‌ഐമാരായ സുരേഷ്‌കുമാര്‍, ഷാജി, എഎസ്‌ഐ രഞ്ജിത്ത്, ഉദ്യോഗസ്ഥരായ സി.ബിജു, ദീപ, അജിത് മോഹന്‍ എന്നിവരടങ്ങിയ സംഘമാണ് ഇവരെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: