തിരുവനന്തപുരം: നഗരത്തില് ഹോട്ടല് മുറിയില് അബോധാവസ്ഥയില് കാണപ്പെട്ട യുവാവ് മരിച്ചു. പത്താനപുരം സ്വദേശിയായ അജിന് ആണ് മരിച്ചത്. ഇക്കഴിഞ്ഞ ബുധനാഴ്ചയാണ് യുവാവിനെ ഹോട്ടല് മുറിയില് അബോധാവസ്ഥയില് കണ്ടത്തിയത്. തുടര്ന്ന് ചികിത്സയിലിരിക്കെയാണ് മരിച്ചത്.
യുവാവിനൊപ്പം ഹോട്ടല് മുറിയിലുണ്ടായിരുന്ന യുവതിയെ പൊലീസ് കസ്റ്റഡിയിലെടുത്തിട്ടുണ്ട്.കഴുത്തിനേറ്റ ക്ഷതമാണ് മരണകാരണമെന്നാണ് പോസ്റ്റ്മോര്ട്ടം റിപ്പോര്ട്ട്.
യുവതിയും യുവാവും തമ്മില് വാക്കുതര്ക്കമുണ്ടാവുകയും തുടര്ന്ന് യുവാവ് തൂങ്ങിമരിക്കാന് ശ്രമിച്ചെന്നുമാണ് റിപ്പോര്ട്ട്. ഇതാണ് കഴുത്തിന് ക്ഷതമേല്ക്കാന് കാരണം.
സംഭവം നടക്കുമ്പോള് യുവാവും യുവതിയും മദ്യലഹരിയിലായിരുന്നുവെന്നും മരണത്തില് ദുരൂഹതയുണ്ടെന്നുമാണ് പൊലീസ് പറയുന്നത്. യുവതിയെ ചോദ്യം ചെയ്ത് വരുന്നു.
