ശബരിമലയില്‍ തീര്‍ഥാടകന്‍ കുഴഞ്ഞുവീണ് മരിച്ചു

ശബരിമല: ദര്‍ശനത്തിന് എത്തിയ ഭക്തന്‍ കുഴഞ്ഞുവീണ് മരിച്ചു. ബാംഗ്ലൂര്‍ സ്വദേശി വി എ മുരളി(59) ആണ് മരിച്ചത്

വൈകിട്ട് ഏഴ് മണി കഴിഞ്ഞാണ് സംഭവം. സുഹൃത്തുക്കള്‍ക്കൊപ്പം എത്തിയ മുരളി പതിനെട്ടാം പടിക്ക് താഴെ നാളികേരം ഉടയ്‌ക്കാന്‍ ശ്രമിക്കവെ കുഴഞ്ഞു വീഴുകയായിരുന്നു.

സന്നിധാനത്തെ സര്‍ക്കാര്‍ ആശുപതിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കഴിഞ്ഞ ദിവസമാണ് മണ്ഡലകാല തീര്‍ത്ഥാടനത്തിനായി നട തുറന്നത്.